ރައީސްގެ މި ނިންމުން އިއުލާންކުރައްވާފައި މިވަނީ އެ އަތޮޅަށް އެމަނިކުފާނު ދަތުރެއްކުރަވަން ނިންމަވާފައިވާ ދަނޑިވަޅެެއްގައެވެ.
ރައީސް އޮފީހުން ބުނީ ކޮޅުމަޑުލު މަޑިފުށީގެ އިހްތިސާސްގައި ހިމެނޭ ރަށްތަކުގެ ގޮތުގައި، އެއަތޮޅު އުފުރިޔާއާއި ކޮޅުފުށި ކަނޑައަޅައިދެއްވުމަށް ވެވަޑައިގެންފައިވާ ވައުދުފުޅާ އެއްގޮތަށް، މަޑިފުށީގެ އިހްތިސާސްގައި ތ. އުފުރިޔާއާއި ތ. ކޮޅުފުށި ހިމެނުއްވުމަށް ރައީސުލްޖުމްހޫރިއްޔާ ޑޮކްޓަރ މުހައްމަދު މުއިއްޒު ނިންމަވައިފިކަމަށެވެ.
" އެމަނިކުފާނު މިގޮތަށް ނިންމަވާފައިވަނީ، ޤާނޫނު ނަންބަރު 2010/7 (ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ ޤާނޫނު) ގެ 1-56 ވަނަ މާއްދާގެ (ހ) އިން، ދިވެހިރާއްޖޭގެ އެންމެހައި އިދާރީ ދާއިރާތަކުގައި ހިމެނޭ ސިޓީ ކައުންސިލްތަކާއި ރަށު ކައުންސިލްތަކުގެ އިހްތިސާސް ކަނޑައެޅުމަށް ރައީސުލްޖުމްހޫރިއްޔާއަށް މަތިކޮށްފައިވާ މަސްއޫލިއްޔަތުގެ ދަށުން ނެރުއްވި، ނަންބަރު 24/2025 ރައީސުލްޖުމްހޫރިއްޔާގެ ޤަރާރުންނެވެ." ރައީސް އޮފީހުން ބުނެއެވެ.
ރައީސް ތ އަތޮޅާއި ފ އަތޮޅަށް ކުރައްވާ ދަތުރުފުޅުކަށް އެ ރަށްރަށުން އަންނަނީ ތައްޔާރުވަމުންނެވެ. އެނގިފައިވާ ގޮތުގައި މި ދަތުރުފުޅުގައި އެމަނިކުފާނު ފުރާވަޑައިގަންނަވާނީ މާދަމާއެވެ.
