ނޫސްވެރިންނާއި ބައްދަލުކޮށް ނަތަންޔާހޫ ބުނީ، އިސްރާއީލުން ގާޒާ ދާއިމީކޮށް ހިފާފައި ބާއްވަން ބޭނުން ނުވާ ކަމަށާއި އެހެން ނަމަވެސް، އެމީހުންގެ މައިގަނޑު އަމާޒަކީ ހަމާސް ނައްތާލައި، އެ ސަރަހައްދު ހަމާސްގެ ބާރުން މިނިވަން ކުރުން ކަމަށެވެ. ހަމާސް ނައްތާލެވުމަށް ފަހު، އިސްރާއީލުން ބޭނުންވަނީ ގާޒާގައި ސިވިލްކޮންޓްރޯލްގެ ދަށުން ހިންގާ އިދާރާއެއް ހުރުން ކަމަށާއި، އެ އިދާރާއަކީ އިސްރާއީލުން ނުވަތަ ބައިނަލްއަގްވާމީ މުޖުތަމައުން އުފައްދާ އެއްޗަކަށް ވެގެން ނުވާނެ ކަމަށްވެސް ނަތަންޔާހޫ ބުންޏެވެ.
ނަމަވެސް، ހަނގުރާމަ ނިމުމަށް ފަހުވެސް، ކުރިއަށް އޮތްތަނުގައި އިސްރާއީލަށް ކުރިމަތިވެދާނެ ހަމަލާތައް ދިނުން ހުއްޓުވުމަށްޓަކައި، އިސްރާއީލުން ސެކިއުރިޓީގެ މުޅި ކޮންޓްރޯލް ބެހެއްޓޭނެ ކަމަށް އޭނާ ބުންޏެވެ. އަދި އިސްރާއީލުގެ ރައްޔިތުން ރައްކާތެރި ކުރުމަށްޓަކައި ސަރަހައްދުގެ ބޯޑަރުގައި ބަފަރ ޒޯނެއް ގާއިމު ކުރާނެ ކަމަށްވެސް ނަތަންޔާހޫ ބުންޏެވެ.
މި ހަނގުރާމައިގެ ފުރިހަމަ މަސްއޫލިއްޔަތު އުފުލަން ޖެހޭނީ ހަމާސް ކަމަށް ނަތަންޔާހޫ ތުހުމަތު ކުރި އެވެ.
އިޒްރާއިލުން ގައްޒާއަށް ދެމުން އަންނަ ހަމަލާތަކުގައި މިހާތަނަށް 65605 މީހުން ސަހީދު ވެފައިވާ އިރު 173419 މީހުންނައް އަނިޔާވެފައި ވާއިރު ރައްދުގައި ގައްޒާއިން ދެމުން އަންނަ ހަމަލާތަކުގައި އިޒްރާއީލުން 1139 މީހުން މަރުވެފައިވާ ކަން ފާހަގަ ކޮށްލަންޖެހެ އެވެ.
