އެ ތިން ގައުމުން އެކަން އިއުލާނުކުރުމުން ފޮރިން މިނިސްޓްރީން މިއަދު ނެރުނު ބަޔާނެއްގައި ބުނީ އެއީ ސަރަހައްދީ ސުލްހައަ އާއި ހަމަޖެހުމަށް އެޅި މުހިއްމު ފިޔަވަޅެއް ކަމަށެވެ.
ފަލަސްތީނުގެ މިނިވަން ދައުލަތެއް އުފައްދަން ކުރާ މަސައްކަތަށް އެހެން ގައުމުތަކުން ވެސް ތާއީދުކުރަން އެ ބަޔާނުގައި ރާއްޖޭން ގޮވައިލި އެވެ.
ފަލަސްތީނުގެ ދައުލަތް ބަލައިގަތުމަށް ނިންމައި އެކަން އިއުލާންކުރަން ޔޫރަޕްގެ އިތުރު ގައުމުތަކުން ވެސް އަންނަނީ ތައްޔާރުވަމުންނެވެ. އޭގެތެރޭގައި ފްރާންސް އާއި ބެލްޖިއަމް އަދި ޕޯޗުގަލް ހިމެނެ އެވެ.
އ.ދ ގެ 193 މެމްބަރު ގައުމުތަކުގެ ތެރެއިން 140 އަށް ވުރެ ގިނަ ގައުމުން ފަލަސްތީނުގެ ދައުލަތް ގަބޫލުކުރެ އެވެ. އޭގެތެރޭގައި ޔޫރަޕްގެ ބައެއް ގައުމުތައް ވެސް ހިމެނޭއިރު، ސްޕެއިނަކީ އެއް ގައުމެވެ.
އަންނަ ހަފުތާގައި ނިއު ޔޯކްގައި ބާއްވާ އދ.ގެ އާންމު މަޖިލީހުގައި އެންމެ ބޮޑަށް ދެކެވޭނެ ކަމަށް ބެލެވިފައިވަނީ އިޒްރޭލާއި ފަލަސްތީނުގެ މައްސަލައަށް "ދެ ދައުލަތުގެ ހައްލު" ހޯދުމާ ބެހޭ ވާހަކަ އެވެ.
