ޔޫތް މިނިސްޓްރީ އިން މިއަދު ގެޒެޓް ކުރި އިއުލާނެއްގައި ބުނީ މި މުއްދަތު އިތުރުކޮށްފައިވަނީ، މިނިސްޓްރީން ގެޒެޓް ކޮށްފައިވާ ނަންބަރު: (IUL)493-MR/1/2025/3 އިއުލާނަށް ހަވާލާދީ ކަމަށެވެ. ދައުލަތުން މި މާލީ އެހީތެރިކަން ދިނުމުގެ މަގްސަދަކީ، ގައުމަށް މުހިއްމު ހިދުމަތްތަކެއް ފޯރުކޮށްދެމުން އަންނަ އަމިއްލަ މީޑިއާތަކަށް، ހިންގުމުގެ ގޮންޖެހުންތަކުން އަރައިގަނެ، އެކި ގޮތްގޮތުން ދިމާވާ ދަތިތަކަށް ލުއިކަމެއް ހޯދައިދިނުމެވެ.
މި އެހީތެރިކަމަށް އެދި ހުށަހެޅޭނީ މިކަމަށްޓަކައި ތައްޔާރުކޮށްފައިވާ އޮންލައިން ޕޯޓަލް މެދުވެރިކޮށް ކަމަށް ވެސް އެ މިނިސްޓްރީ އިން ވަނީ ބުނެފަ އެވެ. މާލީ އެހީތެރިކަން ދިނުމާބެހޭ ތަފްސީލީ މައުލޫމާތު، "ރާއްޖޭގެ މީޑިއާތަކަށް މާލީ އެހީތެރިކަން ދިނުމާބެހޭ އުސޫލު" (ނަންބަރު: 2025/G-15) ގައި ހިމެނިފައިވާނެ ކަމަށް ވެސް މިނިސްޓްރީ އިން ވަނީ ބުނެފަ އެވެ.
