ރޭ ތ. ތިމަފުށީގެ ރައްޔިތުންނާ ބައްދަލުކުރައްވާ ރައީސް ޑރ. މުހައްމަދު މުއިއްޒު ވިދާޅުވީ ހައުސިން ޔުނިޓުތަކުގެ ޑައުންޕޭމަންޓް ބޮޑުކަމަށް ބައެއް ރަށްރަށުގެ ރައްޔިތުން ބުނަމުންދާ ކަމަށެވެ.
އެހެންވެ އެ ހައުސިން ޔުނިޓްތަކަށް މަހު ކުލީގެ އިތުރުން ޑައުންޕޭމަންޓް މިހާރު ކުޑަކޮށް ދީފައިވާ ކަމަށް ވިދާޅުވި އެވެ. އެގޮތުން މަހު ކުއްޔަށް ދައްކަން ޖެހޭ އަދަދު 5،000ރ. މިހާރު 3،333ރ. އަށް ކުޑަކޮށް، ޑައުންޕޭމަންޓް 20،000ރ. އިން 10،000ރ. އަށް ކުޑަކޮށް ދޭން ނިންމާފައިވާ ކަމަށް ވިދާޅުވި އެވެ.
ރައީސް މުއިއްޒުގެ ސަރުކާރުގެ އެންމެ މުހިއްމު އެއް ވައުދަކީ ވެރިކަމުގެ ފުރަތަމަ ދައުރުގެ ތެރޭގައި ބޯހިޔާވަހިކަމުގެ މައްސަލަ ހައްލުކުރުމެވެ. އެކަމަށްޓަކައި ސަރުކާރުން ގެންދަނީ އެކި ރަށްތަކުގައި ހައުސިން ޔުނިޓްތަކާއި ފްލެޓްތައް އެޅުމުގެ މަސައްކަތް އެކި މަރުހަލާތަކުގައި ކުރަމުންނެވެ.
