މި ބްރޭންޑް އެސްޓީއޯ އިން ތައާރަފްކޮށްފައި ވަނީ އެސްޓީއޯ ޕީޕަލްސް ޗޮއިސްގައި މިއަދު ބޭއްވި ހާއްސަ ރަސްމިއްޔާތެއްގަ އެވެ.
އެސްޓީއޯ އިން މި ބްރޭންޑް ތައާރަފްކުރުމާއި އެކު "އެލްޖީޓީވީ އިންޓްރޮޑިއުސިންގް އޮފާ" ގެ ދަށުން ވަރަށް ހާއްސަ އަގުތަކެއްގައި ކަސްޓަމަރުންނަށް އެލްޖީ ޓީވީ ބައްލަވައިގަތުމުގެ ފުރުސަތު ލިބިގެންދާނެ ކަމަށް އެސްޓީއޯ އިން ވަނީ ބުނެފަ އެވެ.
އެލްޖީ ޓީވީއަކީ މިހާރުވެސް މާކެޓްގައި މަޝްހޫރު ބްރޭންޑެއްކަން ފާހަގަކުރައްވާ ނަޒާހަތު ވިދާޅުވީ، ޒަމާނީ އައު ވަސީލަތްތަކާއެކު ފަރުމާކޮށްފައިވާ އެލްޖީ ޓީވީތަކުގައި އާޓިފިޝަލް އިންޓެލިޖެންސްގެ ހާއްސަ ފީޗާތަކެއް ހިމެނޭނެކަމަށެވެ.
އެލްޖީ ޓީވީ ރާއްޖޭގެ މާކެޓަށް ލޯންޗުކުރުމާއެކު އެސްޓީއޯ ޕީޕަލްސް ޗޮއިސްއިން ވަނީ ހާއްސަ ޕްރޮމޯޝަނެއްވެސް ފަށާފަ އެވެ.
މި ޕްރޮމޯޝަންގެ ދަށުން އެސްޓީއޯ ޕީޕަލްސް ޗޮއިސްއިން ވިއްކާ އެލްޖީ ޓީވީތަކުން %10 އާ ހަމައަށް ޑިސްކައުންޓް ލިބިގެންދާނެ އެވެ. މި އޮފާގެ ދަށުން ޓީވީ ބައްލަވައިގަތުމުގެ އެންމެ ފަހު ތާރީހަކީ މި އަހަރުގެ ނޮވެމްބަރު ނުވަ ވަނަ ދުވަހެވެ.
