އެމަނިކުފާނު މިހެން ވިދާޅުވީ، މިއަދު ފަހަގަކުރާ ރާއްޖޭގެ ބްރޯޑްކާސްޓިން ދުވަހުގެ މުނާސަބަތުގައި ސޯޝަލް މީޑިއާގައި ހިއްސާކުރެއްވި ޕޯސްޓެއްގަ އެވެ.
ޕޯސްޓްގައި ރައީސް ވަނީ ބްރޯޑްކާސްޓް ކުރުމުގައި ކުރެވޭ ހުރިހާ ކަންކަމަކީވެސް ވަރަށް ހީވާގިކަމާއި ޒިންމާދާރުކަމާއެކު ދޭން ޖެހޭ ހިދުމަތެއް ކަމަށް ވިދާޅުވެފަ އެވެ.
ރައީސްގެ ޕޯސްޓްގައި ވަނީ ގައުމީ ބްރޯޑްކާސްޓިން ދުވަހުގެ ތަހުނިޔާ ދާއިރާގެ ހުރިހާ ހިދުމަތްތެރީންނަށް އަރިސްކުރައްވާފަ އެވެ.
ގައުމީ ފެންވަރެއްގައި ބްރޯޑްކާސްޓިން ދުވަހެއް ފާހަގަކުރުމުގެ އެންމެ ބޮޑު ބޭނުމަކީ ގައުމު ބިނާކުރުމާއި، ޑިމޮކްރެސީ އާލާކުރުމާއި، ރައްޔިތުންގެ ހޭލުންތެރިކަން އިތުރުކޮށް މައުލޫމާތު މުއްސަނދިކުރުމުގައި ބްރޯޑްކާސްޓަރުން އަދާކުރާ މުހިންމު ދައުރުގެ އަގު ވަޒަންކޮށް، އެ ސިނާއަތުގެ ތަރައްގީއަށް މަގުފަހިކުރުމެވެ.
ރާއްޖޭގައި ރަސްމީކޮށް ބްރޯޑްކާސްޓިންގެ ހިދުމަތް ފެށިގެން އައީ ރޭޑިއޯގެ ހިދުމަތާއެކު އެވެ. އެއީ މީގެ 63 އަހަރު ކުރިން 29 ޑިސެމްބަރު 1962 ގައެވެ. ބްރޯޑްކާސްޓިންގެ ތެރެއިން ޓީވީގެ ހިދުމަތް ފެށީ 29 މާޗް 1978 ގަ އެވެ.
