މިކަމާއި ގުޅިގެން ފުލުހުން ބުނީ އިއްޔެ އިރުއޮއްސި 18:16 ހާއިރު ގދ.ތިނަދޫގައި ބާރު ސްޕީޓެއްގައި ދުއްވާފައި ދިޔަ ސައިކަލަކުން ޖެހި ކުޑަ ކުއްޖަކަށް އަނިޔާވެފައިވާ ކަމަށެވެ.
މި އެކްސިޓެންޑު ހިނގާފައިވަނީ ތިނަދޫ ސިޓީގެ އާބާދީ ހިނގުމުން ހުޅަނގުން އިރަށް ބާރު ސްޕީޑެއްގައި ދުއްވާފަ ދިޔަ ސައިކަލެއް މަގު ހުރަސް ކުރި ކުޑަކުއްޖެއްގެ ގައިގާ ޖެހިގެން ކަމަށް ފުލުހުން މައުލޫމާތުދެ އެވެ.
މި ހާދިސާގައި އަނިޔާވެފައި ވަނީ 6 އަހަރުގެ ފިރިހެން ކުއްޖެއް ކަމަށް އެ އިދާރާއިން ބުނެ އެވެ.
ފުލުހުން އިތުރަށް ފާހަގަ ކުރި ގޮތުގައި މި މައްސަލަގައި ހިމެނޭ ސައިކަލު ދުއްވާފައިވަނީ އެ ކެޓެގަރީގެ އެއްގަމު އުޅަނދު ދުއްވުމުގެ ލައިސެންސް ނެތް މީހެއްކަމަށެވެ.
އިއްޔެ އިރުއޮއްސުނު ވަގުތު މި އެކްސިޓެންޑު ވުމުން އެ މީހާ ވަނީ މަޑު ނުކޮށް ގޮސްފައި އެވެ. މި މައްސަލަގައި ހިމެނޭ 21 އަހަރުގެ ދިވެހި ފިރިހެން މީހާ ވަނީ މިހާރު ފުލުހުންގެ ބެލުމުގެ ދަށަށް ގެނެވިފައި ކަމަށް އެ އިދާރާއިން މައުލޫމާތުދެ އެވެ.
ފުލުހުން ފާހަގަ ކުރި ގޮތުގައި އެކްސިޓެންޓް ވި ސައިކަލު މިހާރު ވަނީ ޓޯ ކޮށް ފުލުހުންގެ ބެލުމުގެ ދަށުގައި ކަމަށާއި މައްސަލަ ދަނީ މިހާރު ތަހުގީގު ކުރަމުން ކަމުގަ އެވެ.
