މީޑިއާތަކަށް ފުލުހުން ފޮނުވި މެސެޖެއްގައި ބުނީ އެ މައްސަލައިގެ ރިޕޯޓު ފުލުހުންނަށް ލިބުނީ އާދިއްތަ ދުވަހުގެ ރޭ ފަތިހު 4:05 ހާއިރު ކަމަށެވެ.
އެ މައްސަލައިގައި ތިން މީހުން ހައްޔަރު ކުރީ އެއާޕޯޓުގެ ފެންސު މަތިން އެމީހުން އަރަން އުޅެނިކޮށް އެއާޕޯޓުގެ ސެކިއުރިޓީ ބަލަހައްޓާ މުވައްޒަފަކު އެމީހުން ހުއްޓުވަން މަސައްކަތް ކުރުމުން، އެ މީހާއަށް ހަމަލާދީ މާރާމާރީ ހިންގުމުން ކަމަށް ފުލުހުން ބުންޏެވެ.
އެ މީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރު ކުރުމުން 15 ދުވަހަށް ބަންދުކުރުމަށް އަމުރުކޮށްފައިވާ ކަމަށް ވެސް ފުލުހުން ބުންޏެވެ.
އެ މައްސަލަ ފުލުހުން އަންނަނީ ތަހުގީގު ކުރަމުންނެވެ.
