ކޮމްޕްލެކްސްއާ ވާހަކަ ދައްކަމުން، އޭސާޕް ރޮކީއާ "މި އަހަރު އުފެއްދި އެންމެ މޮޅު އެއްޗަކީ ކޮބައިތޯ" ސުވާލު ކުރުމުން އޭނާ ދީފައިވަނީ ވަރަށް މަޖާ ޖަވާބެކެވެ.
ރިހާނާ އާއި އޭސާޕް ރޮކީއަށް ތިންވަނަ ދަރިފުޅު ލިބިފައިވަނީ މިދިޔަ ސެޕްޓެމްބަރު މަހުގެ 13 ވަނަ ދުވަހުއެވެ. މި އުފާވެރި ހަބަރު ރިހާނާ ވަނީ ސޯޝަލް މީޑިއާ މެދުވެރިކޮށް ހިއްސާކޮށްފައެވެ. އޭނާ ވަނީ ޕިންކު ކުލައިގެ ހެދުމެއްގައި އޮތް ދަރިފުޅުގެ ފޮޓޯއަކާއި، "މަންމަ" މިހެން ޖަހާފައިވާ އަނގޮޓިއެއް އަޅައިގެން ހުރި ފޮޓޯއެއްވެސް ހިއްސާކޮށްފައެވެ. ރިހާނާ ވަނީ މި ޕޯސްޓުގައި އޭސާޕް ރޮކީ ޓެގްކޮށް، ދަރިފުޅުގެ ފުރިހަމަ ނަމާއި އުފަންވި ތާރީހު ހާމަކޮށްފައެވެ.
