ރައްޔިތުން މަޖިލީހުގެ މަރަދޫ ދާއިރާގެ މެމްބަރު އަހުމަދު ދީދީ ކުރެއްވި ސުވާލެއްގައި ވިދާޅުވީ އަންނަ ހަފުތާގައި ރައީސް ޑރ. މުހައްމަދު މުއިއްޒު އައްޑޫ ސިޓީއަށް ވަޑައިގަންނަވަން ހަމަޖެހިފައިވާކަމަށް މައުލޫމާތު ލިބިފައިވާކަމަށެވެ. އެމަނިކުފާނުގެ ދަތުރުފުޅުގައި މަރަދޫގައި އިމާރާތްކުރާ މިސްކިތް ހުޅުވާނެތޯ ސުވާލު އުފައްދަވާފައިއެވެ.
އެ ސުވާލަށް ޖަވާބު ދެއްވަމުން މިނިސްޓަރު ޝަހީމް ވިދާޅުވީ ރައީސް މުއިއްޒު ރަށްރަށަށް ވަޑައިގަންނަވަނީ ރައްޔިތުންގެ ހާލު ބެއްލެވުމަށްކަމަށާއި ތަންތަން ހުޅުއްވައިދެއްވަން ނޫން ކަމަށެވެ. މިނިސްޓަރު ވިދާޅުވީ މަރަދޫގައި ހަދަމުން އަންނަ މިސްކިތް މިހާރު ހުރީ ގާތްގަނޑަކަށް ނިމިފައި ކަމަށެވެ.
އެއާއި އެކު މިނިސްޓަރު ޝަހީމް ވިދާޅުވީ ޝަހީމް މިސްކިތްތައް ހުޅުވަން މާ ބޮޑެތި ރަސްމިއްޔާތުތައް ބާއްވަން ބޭނުންފުޅުނުވާ ކަމަށެވެ. އަދި މިސްކިތްތަކަކީ އަޅުކަން ކުރަން ގާއިމުކުރާ ބިނާއެއް ކަމަށާއި އެއީ ރޫހާނީ މަރުކަޒުތަކެއް ކަމުން އެ ތަންތަން ހުޅުވަން މާ ބޮޑު ރަސްމިއްޔާތުތަކެއް ބޭއްވުމަކީ ކުރަން ބޭނުންފުޅުވާ ކަމެއް ނޫން ކަމަށް ޝަހީމް ވިދާޅުވިއެވެ.
މިނިސްޓަރު ޝަހީމް ވިދާޅުވީ އަންނަ އަހަރު ގިނަ މިސްކިތްތަކެއް ހުޅުވާނެކަމަށެވެ.
