މި ހާދިސާ ހިނގާފައިވަނީ މިއަދު ހަވީރުއެވެ. ވެއްޓިފައިވަނީ އެ އިމާރާތުގެ ތިންވަނަ ފަންގިފިލާގެ ބޭރުގައި ހުރި ފެންލައިޓެއްގެ ކޮންކްރީޓެވެ. މިކަން ހިނގި ގޮތް ފެންނަ ވީޑިއޯއެއް ވަނީ ސޯޝަލް މީޑިއާގައި އާންމުވެފައެވެ.
ސިނަމާލެ ފުލެޓުތަކަކީ 1990 ވަނަ އަހަރު މީހުން ދިރިއުޅެން ފެށި، މިހާރު 32 އަހަރަށްވުރެ ގިނަ ދުވަސްވެފައިވާ ތަންތަނެވެ.
މި ފުލެޓުތަކުގެ ނުރައްކާތެރިކަން ބޮޑުވެފައިވާއިރު، މިތަންތަން ތަޅާލައި އަލުން އިމާރާތްކުރުމަށް ރައީސް ޑރ. މުހައްމަދު މުއިއްޒު މާލޭގެ މޭޔަރަކަށް ހުންނެވިއިރު ވަނީ ނިންމަވާފައެވެ. އޭރުގެ ޕްލޭނަކީ އެ ސަރަހައްދުގައި 18 ބުރީގެ ޓަވަރުތަކެއް އެޅުމެވެ.
