ފަރީލާގެ ޕާޓީގެ ޝާނާޝައުކަތު ބޮޑުކަމުން، ސޯޝަލް މީޑިއާގައި ގިނަ ބަޔަކު ދަނީ ފިލްމު އިންޑަސްޓްރީގެ 'ކުއީން'ގެ ގޮތުގައި މަޝްހޫރުވެފައިވާ ނިއުމާގެ ޕާޓީއަކާ ފަރީލާގެ ޕާޓީ އަޅާކިޔަމުންނެވެ.
ފަރީލާގެ އުފަންދުވަހަކީ 24 އޮކްޓޫބަރު 1984 އެވެ. އޭނާއަށް މިހާރު މި ފުރުނީ 41 އަހަރެވެ.
ފަރީލާ އޭނާގެ އުފަންދުވަހުގެ ހަފްލާ ފަރުމާކޮށްފައިވަނީ ފިޔާތޮށި ކުލައިގެ 'ތީމް' އަކަށެވެ. ހިތްގައިމު ފިޔާތޮށި ހެދުމެއްގައި ފަރީލާ ފެނިގެންދާއިރު، ޕާޓީގެ މާހައުލު ޒީނަތްތެރިކޮށްފައިވަނީ ވެސް ފިޔާތޮށި ކުލައިގެ މާތަކާއި ރީތި ކޭކަކުންނެވެ. މި ޕާޓީގެ ފޮޓޯތައް ފަރީލާ ވަނީ އޭނާގެ ފޭސްބުކް އަދި އިންސްޓަގްރާމް ސްޓޯރީތަކުގައި އޭނާގެ ސަޕޯޓަރުންނާ ހިއްސާކޮށްފައެވެ.
މި ފޮޓޯތަކާއެކު ފަރީލާގެ ސަޕޯޓަރުންނާއި ފިލްމީ ދާއިރާއަށް ފާރަވެރިވާ ފަރާތްތަކުން ވަނީ މި ޕާޓީގެ ފުރިހަމަކަމާއި ކުއީން ނިއުމާގެ ޕާޓީއާ އަޅާކިޔަން ފަށާފައެވެ. ބައެއް މީހުން ފާހަގަކުރާ ގޮތުގައި ފަރީލާގެ ޕާޓީގެ ތައްޔާރީތަކާއި ހަރަދު، ނިއުމާގެ ޕާޓީއަށްވުރެ މާ ބޮޑަަށް ބޮޑުވެފައި ފުރިހަމައެވެ.
