އިމިގްރޭޝަނުން ބުނީ އެ އިދާރާއަށް އަލަށް ހޯދާ 70 މީހުން ހޮވަން ވޯކްއިން އިންޓަވިއުއެއް ބާއްވަން ތައްޔާރުވަމުން އަންނަކަމަށެވެ، މިފަހަރުގެ ވޯކް އިން އިންޓަވިއު އޮންނާނީ އަންނަ ހޮނިހިރު ދުވަހުއެވެ. އެދުވަހު އިންޓަވިއު ކުރިޔަށް ދާނީ ހެނދުނު 8:30 އިން ހަވީރު 4:30 އަށް ކަމަށް އިމިގްރޭޝަނުން ބުނެއެވެ. އަދި މީހުން ހޮވަނީ އެސިސްޓަންޓް އިމިގްރޭޝަން އޮފިސަރުގެ މަގާމަށްކަމަށްވެސް އެ އިދާރާއިން ބުނެއެވެ.
ވަޒީފާގެ ޝަރުތުތައް
މުސާރަ
މުސާރައިގެ ގޮތުގައި ލިބޭނީ މަހަކު 6500 ރުފިޔާ އެވެ. ސާވިސް އެލަވަންސްގެ ގޮތުގައި 1500 ރުފިޔާ ލިބޭނެއެވެ. ހަ މަހުގެ ޓްރެއިނިން ފުރިހަމަކޮށް ނިމުމުން މުސާރައިގެން 35 ޕަސެންޓް، ސްޕެޝަލް ސާވިސް އެލަވަންސްގެ ގޮތުގައި ދޭނެ އެވެ.
މި މަގާމަށް ހޮވޭ ފަރާތްތަކުން މަސައްކަތް ކުރަން ޖެހޭނީ މާލެ ސަރަހައްދުގެ އިމިގްރޭޝަން އޮފީސްތަކުގައި ދައުރުވާގޮތަށް (އިމިގްރޭޝަންއިން އެވަގުތެއްގައި ކަނޑައަޅާ ސެކްޝަންއެއްގައި) ކަމަށް އެ އިދާރާއިން ބުނެއެވެ.
މީހުން ހޮވުމުގައި ބަލާނެ ބައެއް ކަންކަން
މީގެ ކުރިން ޖުމްލަ 50 މުވައްޒަފުން ހޯދަން އިމިގްރޭޝަނުން ވަނީ ވޯކްއިން އިންޓަވިއުއެއް ބާއްވާފައެވެ. އެ ފަހަރު އިންޓަވިއުއެއަށް 900 އަށްވުރެ ގިނަ މީހުންދިޔައިރު، ޝަރުތު ހަަމަވީ 758 މީހެކެވެ. އިމްތިހާނު ހެދި 549 މީހުންގެ ތެރެއިން 50 މީހުންގެ އިތުރުން 70 މީހުން އޭރު ނެގިއެވެ.
