ޖޭއެސްސީގައި 10 މެންބަރުން ތިއްބަވާއިރު، މަޖިލީހުގެ މެންބަރުންގެ ތެރެއިން ކޮމިޝަންގައި ހިމެނިވަޑައިގަންނަވާ މެންބަރުގެ މަގާމު ހުސްވީ، އެ މަގާމުގައި ހުންނެވި މާފުށީ ދާއިރާގެ މެންބަރު ހުސައިން ރިޒާ އާދަމް އިސްތިއުފާދެއްވުމާ ގުޅިގެންނެވެ. ޖޭއެސްސީގެ ރައީސްއަކަށް ހުންނެވީވެސް ރިޒާއެވެ.
ހުސްނީގެ ނަން މިއަދު މަޖިލީހަށް ހުށަހެޅުއްވީ ޕީއެންސީގެ ޕީޖީ ލީޑަރު އިނގުރައިދޫ ދާއިރާގެ މެންބަރު އަހުމަދު ފަލާހެވެ. އަދި ތާއީދު ކުރެއްވީ ވެލިދޫ ދާއިރާގެ އެމްޑީއޭގެ މެންބަރު މުހައްމަދު އައްބާހެވެ.
ޖޭއެސްސީއަށް މަޖިލީހުން ކަނޑައަޅާ މަޖިލީހުގެ މެންބަރުގެ ގޮތުގައި ހުސްނީ އައްޔަންކުރުމަށް ފާސްކުރީ 58 މެންބަރުންގެ ވޯޓުންނެވެ. ހުސްނީ ޖޭއެސްސީއަށް އައްޔަންކުރަން ނުފެންނަ ކަމަށް، ޖަލްސާގައި ތިއްބެވި އެއްވެސް މެންބަރަކު ވޯޓެއް ނުދެއްވަ އެވެ.
ހުސްނީއަކީ މަޖިލީހުގެ ޖުޑިޝަރީ ކޮމިޓީގެ މުގައްރިރު ވެސްމެ އެވެ.
