މިއަދު ޅ. އަތޮޅަށް ފެއްޓެވި ދަތުރުފުޅުގެ ތެރެއިން މިރޭ ނައިފަރަށް ވަޑައިގެން ރައްޔިތުންނާ ބައްދަލުކުރައްވާ ރައީސް ވަނީ މިރޭ ސޮއިކުރި މަޝްރޫއުތަކުގެ މަސައްކަތް ނިންމައި ރައްޔިތުންނަށް ނަތީޖާ ދައްކަވާނެ ކަމުގެ ޔަގީންކަން ދެއްވައިފަ އެވެ.
ރައީސް ވިދާޅުވީ ނައިފަރުގައި ފެށިގެންދާ ހުރިހާ މަޝްރޫއެއްގެ ތެރެއިން ވެސް އެންމެ އިސްކަމެއް ދޭނީ ބިން ހިއްކުމުގެ މަސައްކަތަށް ކަމަށާއި އޭގެ އިތުރުން ހައުސިން މަޝްރޫއު އާއި ހޮސްޕިޓަލް އަދި ސްކޫލް އަދި ބަނދަރުގެ މަޝްރޫއު ފަދަ މަސައްކަތްތައް ކުރިއަށްގެންދާނެ ކަމަށެވެ.
ނައިފަރުގައި ކުރިއަށް ގެންދަން ސޮއިކުރި މަޝްރޫއުތައް:
ރައީސް މިރޭ ނައިފަރަށް ވި އިތުރު ވައުދު ތަކުގެ ތެރޭގައި:
ބިމުގެ ޖާގައިގެ ދަތިކަން ބޮޑު ނައިފަރުގެ ބިމަށް އިތުރު 45 ހެކްޓަރުގެ ބިން އިތުރުކުރުމަށް ބިން ހިއްކުމުގެ މަޝްރޫއު މާދަމާ ފަށާނެ ކަމަށް ވެސް ރައީސް ވިދާޅުވި އެވެ.
ރައީސް މުއިއްޒު ނައިފަރު ރައްޔިތުންނާ ބައްދަލު ކުރެއްވުން - ފޮޓޯ:ރައީސް އޮފީސް
ނައިފަރު އާބަން ސެންޓަރެއްގެ ގޮތުގައި ތަރައްގީ ކުރަން އިއުލާނުކޮށްފައިވާއިރު، ރަށުގައި 7،000އެއްހާ މީހުން ދިރިއުޅޭކަން ފާހަގަކުރައްވައި ރައީސް ވިދާޅުވީ މިއީ ރަށާއި ރާއްޖޭގެ ތަރައްގީއަށް ވެސް މުހިއްމު މަސައްކަތެއް ކަމަށެވެ.
ރައީސްގެ ދަތުރުފުޅުގެ ތެރެއިން މިއަދު ހަވީރު ވަނީ ނައިފަރު މަގުހެދުމުގެ މަޝްރޫއުގެ އަމަލީ މަސައްކަތް ވެސް ފަށައިފަ އެވެ. މަގުތަކުގެ ހާލަތު ދަށް ނައިފަރުގެ މަގު ހެދުމުގެ މަޝްރޫއު އެއް ފިޔަވަހިން ނިންމާނެކަމުގެ ޔަގީންކަން މިރޭ ރައީސް ވަނީ ދެއްވައިފަ އެވެ.
