އެޗްއާރުސީއެމްގެ މެންބަރުކަމަށް އޭނަ އައްޔަން ކުރަން ފެންނަ ކަމަށް ފާސްކުރީ ވޯޓުގައި ބައިވެރިވެވަޑައިގެންނެވި 63 މެންބަރުންގެ އިއްތިފާގުންނެވެ.
ރަމީލާއަކީ މި ސަރުކާރުގެ ފުރަތަމަ އެގްރިކަލްޗާ މިނިސްޓަރެވެ. ސިއްހީ ހާލު ހުރި ގޮތުން އެގްރިކަލްޗާ މިނިސްޓަރުކަމުގެ މަގާމުން ރަމީލާ އިސްތިއުފާ ދެއްވީ 2024 ވަނަ އަހަރުގެ ޑިސެމްބަރު މަހު އެވެ.
މިނިސްޓަރުކަން ކުރެއްވުމުގެ ކުރިން ރަމީލާ ވަނީ ދެ ފަހަރެއްގެ މަތިން ހެލްތު މިނިސްޓްރީގެ ސްޓޭޓް މިނިސްޓަރުކަން ކުރައްވާފައެވެ. އޭނާ ޕީއެޗްޑީ ހާސިލުކުރެއްވީ ސޯޝަލް ސައިންސްގެ ދާއިރާއިންނެވެ.
އެޗްއާރްސީއެމަށް ރަމީލާ އައްޔަން ކުރަން ފާސްކުރި އިރު، މިދިޔަ ސެޕްޓެމްބަރު މަހު ވެސް އެ ކޮމިޝަނަށް ދެ މެންބަރަކު އައްޔަންކޮށްފައިވެ އެވެ. އެއީ މ. ޕޮޕީ، މުހައްމަދު ޝަފީގް މަހުމޫދާއި އައްޑޫ ހުޅުދޫ، ސީބްރީޒް އަހުމަދު މަގުސޫމެވެ.
