ހުޅުމާލޭގައި މިދިޔަ ހުކުރު ދުވަހު ކުރިއަށް ގެންދިޔަ މި ދުވުމުގައި ބައިވެރިވި ފަރާތްތަކުގެ ސިއްހީ ރައްކާތެރިކަން ކަށަވަރުކުރުމަށް އަމާޒުކޮށްގެންވީ މި ޕާޓްނަޝިޕްގެ ދަށުން، ޓްރީ ޓޮޕް ހޮސްޕިޓަލުން ވަނީ ސިއްހީ ހިދުމަތްތައް ފޯރުކޮށްދީފަ އެވެ.
މި ދުވުމުގައި 4,500އަށް ވުރެ ގިނަ ބައިވެރިން ވާދަކުރިއިރު، ހާފް މެރަތަން، 10 ކިލޯމީޓަރު އަދި 5 ކިލޯމީޓަރުގެ ދުވުންތައް ކުރިއަށް ގެންދިޔަ އެވެ.
ދިރާގު މޯލްޑިވްސް ރޯޑް ރޭހަކީ ރާއްޖޭގައި ބާއްވާ އެންމެ ބޮޑު ދުވުމެވެ. އެ ދުވުމުގައި މިއަހަރު 4،500 ދުވުންތެރިން ބައިވެރިވި އެވެ. ދިރާގު ރޯޑު ރޭހަކީ އެސޯސިއޭޝަން އޮފް މެރެތަން އެންޑް ޑިސްޓެންސް ރަނާސް (އެއިމްސް)ގެ ބައިނަލްއަގުވާމީ ދުވުމުގެ ކަލަންޑަރުގައި ލިސްޓުކޮށްފައިވާ، ދުނިޔޭގެ އެތުލެޓިކްސް ބަލައިގަންނަ ރޫޓަކާ އެއްކޮށް ބާއްވާ ހަމައެކަނި ރާއްޖޭގެ ދުވުމުގެ އިވެންޓެވެ.
ޓްރީޓޮޕް ހޮސްޕިޓަލުން އެ ހޮސްޕިޓަލުގެ އިޖުތިމާއީ ޒިންމާގެ ދަށުން އެފަދަ އެކި ހަރަކާތްތަކަށް ބޭނުންވާ މެޑިކަލް ސަޕޯޓް ފޯރުކޮށްދެ އެވެ.
