އަންނަ އަހަރުގެ ބަޖެޓްގައި ރައީސުލްޖުމްހޫރިއްޔާ އާއި ނައިބު ރައީސް އާއި ރައްޔިތުންގެ މަޖިލީހުގެ ރައީސް ދިރިއުޅުއްވާ ރަސްމީ ގެތަކަށް ޖުމްލަ 52 މިލިއަން ރުފިޔާ ވަނީ ހިމަނާފައެވެ.
ރިޔާސީ ގަނޑުވަރުގެ ގޮތުގައި ބޭނުންކުރާ މުލިއާގޭގެ ހަރަދުތަކަށް އަންނަ އަހަރުގެ ބަޖެޓުގައި ވަނީ 34 މިލިއަން ރުފިޔާ ހިމަނާފައެވެ. އެއީ މި ހިނގާ އަހަރު މުލިއާގޭގެ ހަރަދަށް ލަފާކުރި އަދަދަށް ވުރެ 4 މިލިއަން ރުފިޔާ އިތުރު އަދަދެކެވެ.
ނައިބު ރައީސް ހުންނަވާ ހިލާލީގެ އަށް ހިންގާނެ ހަރަދުގެ ގޮތުގައި މިއަހަރުގެ ބަޖެޓުގައި ހިމަނާފައިވަނީ 14 މިލިއަން ރުފިޔާއެވެ. މީވެސް މިދިޔަ އަހަރަށް ބަޖެޓްކުރިވަރަށް ވުރެ 4.2 މިލިއަން އިތުރު އަދަދެކެވެ.
މަޖިލީހުގެ ރައީސް ހުންނަވާ މުރައިދޫގެއަށް އަންނަ އަހަރަށް ލަފާކޮށް ހުށައެޅި ބަޖެޓް މި އަހަރަށް ވުރެ ކުޑައެވެ. މުރައިދޫ ގެއަށް ހިނގާނެ ހަރަދުގެ ގޮތުގައި ހިމަނާފައިވަނީ 4.1 މިލިއަން ރުފިޔާއެވެ. މިއީ މި އަހަރުގެ ބަޖެޓަށްވުރެ 1.1 މިލިއަން ރުފިޔާ މަދު އަދަދެކެވެ.
