މިއީ ފަލަސްތީނުގެ ގައިދީންގެ ހައްގުތަކަށް މަސައްކަތްކުރާ ޖަމާއަތްތަކުން އާންމުކޮށްފައިވާ އެންމެ ފަހުގެ މައުލޫމާތެވެ.
އެ ޖަމާއަތްތަކުން ބުނި ގޮތުގައި، ހައްޔަރުކޮށްފައިވާ މީހުންގެ ތެރެއިން ގިނަ މީހުންނަކީ އެއްވެސް ޝަރީއަތެއް ކުރުމެއް ނެތި އިދާރީ ގޮތުން ބަންދުކޮށްފައިވާ މީހުންނެވެ. އަދި މި އަދަދުތަކުގެ ތެރޭގައި އިޒްރޭލުގެ އަސްކަރީ ކޭމްޕުތަކުގައި ބަންދުކޮށްފައިވާ މީހުން ނުހިމެނޭ ކަމަށް ވެސް ރިޕޯޓުތައް ބުނެ އެވެ.
އިޒްރޭލުގެ ޖަލުތަކުގައި ބަންދުކޮށްފައިވާ މީހުންގެ ތެރޭގައި 350 ކުޑަކުދިންނާއި 49 އަންހެނުން ހިމެނެ އެވެ. މީގެ އިތުރުން، ޖަލު ހުކުމް ތަންފީޒުކުރަމުން އަންނަ 1،242 މީހަކު ވެސް ހައްޔަރުކޮށްފައިވާ މީހުންގެ ތެރޭގައި ހިމެނޭ ކަމަށް އެ ރިޕޯޓުތަކުގައިވެ އެވެ.
