ސަރުކާރުންވަނީ ރާއްޖޭގެ އެކި ކަންކޮޅުގައި ހިންގާ ތަރައްގީއާ 206 މަޝްރޫއެއް އަމިއްލަ ކުންފުނިތަކާއި ހަވާލުކޮށް އެކަމުގެ އެއްބަސްވުމުގައި ސޮއިކޮށްފައެވެ. އެ ދުވަހެއްގައި ރާއްޖޭގައި އެންމެ ގިނަ މަޝްރޫއު ހަވާލުކުރުކަމުގެ ތާރީހީ ރެކޯޑެއް ސަރުކާރުން މިއަދު ވަނީ ހަދާފައެވެ.
މިކަމަށް ބޭއްވި ރަސްމިއްޔާތުގައި ވާހަކަ ދައްކަވަމުން ރައީސް ޑރ. މުއިއްޒު ވިދާޅުވީ މިއަދު 53 ކުންފުންޏަކާއި މަސައްކަތް ހަވާލުކޮށްފައިވާކަމަށެވެ. އަދި މިކަމުގެ ސަބަބުން ދިވެހު ކުންފުނިތައް ކޮޅަށް ޖެހި ހާއްސަކޮށް އިމާރާތް ކުރުމުގެ ދާއިރާ ކުރިއަރައިގެން ދާނެކަމަށެވެ. ރައީސްް މިއަދު ވިދަޅުވީ އަމިއްލަ ކުންފުނިތަކަށް ފައިސާ ދިނުމުގައި ލަސްތަކެއް ދިމާވި ނަމަވެސް މިއަދި މަސައްކަތް ހަވާކުކުރި ކުންފުނިތަކަށް ފައިސާފެ އެއްވެސް މައްސަލައެއް ނުޖެހޭނެކަމަށެވެ. އެހެންކަމުން އެއްބަސްވުމުގައި އޮތްގޮތަށް މަސައްކަތް ކުރިޔަށް ގެންދަން ކުންފުނިތަކަށް މަޖުބޫރުވާނެކަމަށެވެ.
މިއަދު މަސައްކަތް ހަވާލުކުރި ބައެއް ކުންފުނިތައް އެއްބަސްވުމުގައި ސޮއިކުރުމަށްފަހު
ރައީސް ޑރ މުހައްމަދު މުއިއްޒު ވިދާޅުވީ މިއީ ރާއްޖޭގެ ތާރީހުގައި ދިވެހި ރައްޔިތުންގެ އަމިއްލަ ކުންފުނިތަކާ އެންމެ ގިނަ މަޝްރޫއުތައް ހަވާލުކުރެވުނު ތާރީހީ ދުވަހެއް ކަމަށެވެ. އަދި މިއީ ރާއްޖޭގެ އިގްތިސާދު ރަނގަޅު މިސްރާބަކަށްދާ ކަމުގެ ހެއްކެއް ކަމަށްވެސް އެމަނިކުފާނު ވިދާޅުވިއެވެ.
ރައީސް މުއިއްޒު ވިދާޅުވީ މިއަދު ސަރުކާރުން ހަވާލުކުރި 206 މަޝްރޫއު ހަވާލުކުރި ހުރިހާ ކުންފުންޏަކުން ވެސް ތިން އަހަރުގެ ދުވަހުގެ "އޮޑިޓެޑް ފައިނޭންޝަލް ސްޓޭޓްމަންޓް" ހުށަހެޅިކަމަށެވެ. އެ ސްޓޭޓްމަންޓު ހުށަހަޅައިގެން ނޫން ގޮތަކަށް އެ އިން އެއްވެސް ކުންފުންޏަކުން މިއަދު ސޮއިކުރި މޭޒާ ހަމައަށް ވެސް ނާދެވުނު ކަމަށްވެސް ރައީސް ވިދާޅުވިއެވެ.
