އެ ކުންފުނިތަކާއި މި މަސައްކަތް ހަވާލުކޮށް އެކަމުގެ އެއްބަސްވުމުގައި ސޮއިކުރީ ރާއްޖޭގެ އެކި ކަންކޮޅުގައި ހިންގާ ތަރައްގީގެ 206 މަޝްރޫއެއް އަމިއްލަ ކުންފުނިތަކާއި ހަވާލުކުރުމަށް މިއަދު ބޭއްވި ރަސްމިއްޔާތުގައެވެ.
މި ރަސްމިއްޔާތުގައި ވަނީ އިސްލާމިކް މިނިސްޓްޜިން ހިނަގްނ ނިންމާފައިވާ ބައެއް މަޝްރީއުތަކުގެ އެއްބަސްވުމުގައި ސޮއިކޮށްފައެވެ. އެގޮތުން ތިން ރަށެއްގައި އިސްލާމީ މަރުކަޒު އަޅަން ނިންމާ އެ މަސައްކަތް ވަނީ ހަވާލުކޮށްފައެވެ. މިގޮތުން އިސްލާމީ މަރުކަޒު އަޅަން ނިންމީ ހދ. ކުޅުދުއްފުށި ސިޓީއާއި ހއ. އުތީމާއި ނ. ހޮޅުދޫގައެވެ.
ކުޅުދުއްފުށި އިސްލާމީ މަރުކަޒުގެ މަސައްކަތް ހަވާލުކޮށްފައިވަނީ ވޭވް ލެންތު ޕްރައިވެޓް ލިމިޓެޑާއެވެ. ނ. ހޮޅުދޫއާއި ހއ. އުތީމު އިސްލާމީ މަރުކަޒުގެ މަސައްކަތް ހަވާލުކޮށްފައިވަނީ ވެންޒާ ކޮމްޕެނީ ޕްރައިވެޓް ލިމިޓެޑާއެވެ. މި މަޝްރޫއުތަކަކީ 30 މިލިއަން ރުފިޔާގެ މަޝްރޫޢުތަކެއްކަމަށް އިސްލާމިކް މިނިސްޓްރީން ބުނެއެވެ. މި އިސްލާމީ މަރުކަޒުތަކުގައި ނަމާދު ކުރާ ބައިގެ އިތުރުން ޒަމާނީ ކްލާސްރޫމާއި އިސްލާމީ ލައިބްރަރީއާއި، ކޮންފަރެންސް ހޯލާއި އޮފީސް ބައި ހިމެނޭކަމަށްވެސް އެ މިނިސްޓްރީން ބުނެއެވެ.
އިސްލާމީ މަރުކަޒުގެ އިތުރުން ބައެއް ރަށްރަށުގައި މިސްކިތްތަކާއި ވަގުފު އިމާރާތް އަޅަންވެސް މިއަދު ވަނީ ދިވެހި ކުންފުނިތަކާއި ހަވާލުކޮށްފައެވެ.
މިސްކިތް އަޅަން ހަވާލުކުރި ރަށްތައް
ވަގުދު އިމާރާތް އަޅަން ހަވާލުކުރި ރަށްތައް
ދިވެހި އަމިއްލަ ކުންފުނިތަކަށް މަޝްރޫއުތައް ހަވާލުކުރުމަށް އެއްބަސްވުންތަކުގައި މިއަދު ސޮއިކުރުމަށް ބޭއްވި ރަސްމިއްޔާތުގައި ވާހަކަ ދައްކަވަމުން ރައީސް މުއިއްޒު ވިދާޅުވީ އަމިއްލަ ކުންފުނިތަކަށް ސަރުކާރު ހަވާލުކުރި މަޝްރޫއުތަކުގެ އަމަލީ މަސައްކަތް މިއަދުން ފެށިގެން 21 ދުވަސްތެރޭ ފަށަން ޖެހޭނެކަމަށެވެ. އަދި އެ ކުނފުނިތަކަށް ލިބެންޖެހޭ ފައިސާގެ މައްސަލައެއް ނުޖެހޭނެކަމަށްވެސް ރައީސް ޑރ. މުހައްމަދު މުއިއްޒު ވިދާޅުވިއެވެ.
