ފްރާންސް ފުލުހުން ބުނީ، މި މީހުން ހައްޔަރުކުރީ ބުރާސްފަތި ދުވަހުގެ ރޭ ޝޯ ކުރިއަށް ދަނިކޮށް، މުޒާހަރާކޮށް، ހޯލު ތެރޭގައި އަލިފާން ބުރުވާ ފަދަ ތަކެތި ބޭނުންކުރުމުން ކަމަށެވެ.
ކޮންޑަކްޓަރު ލަހާވް ޝާނީ އާއި ޕިއާނޯ ސާ އެންޑްރަސް ޝިފްގެ ހުށަހެޅުންތައް ހިމެނޭ މި ޝޯ ތިން ފަހަރެއްގެ މަތިން މެދުކަނޑުވާލާފައިވެއެވެ. ޝޯ ހުއްޓުވުމުގެ ސަބަބުން އޮޑިޓޯރިއަމް ތެރޭގައި ހަމަނުޖެހުންތަކެއް ވެސް ހިނގާފައިވެއެވެ. ޝޯ ބޭއްވުމުގެ ކުރިން ވެސް ފަލަސްތީނަށް ތާއީދުކުރާ އެކްޓިވިސްޓުންނާއި ފްރާންސްގެ ޕާފޯމިން އާޓްސް ޔޫނިއަނަކުން ވަނީ މި ޝޯ ބޮއިކޮޓް ކުރުމަށް ގޮވާލާފައެވެ.
ފްރާންސްގެ ކަލްޗަ މިނިސްޓަރު ރަޝީދާ ދާތީ ވަނީ މި އަމަލު ކުށްވެރި ކުރައްވައި، ހިޔާލުފާޅުކުރުމުގެ މިނިވަންކަމަކީ ފްރާންސްގެ އަސާސީ އުސޫލެއްކަން ފާހަގަކުރައްވާފައެވެ. އަދި އިންޓީރިއާ މިނިސްޓަރު ލޯރެންޓް ނޫނޭޒް ވިދާޅުވީ، ހޯލު ތެރޭގައި ހިނގި ސީރިއަސް ހަމަނުޖެހުންތަކަށް އެއްވެސް އުޒުރެއް ގަބޫލުނުކުރައްވާނެ ކަމަށެވެ.
