މީގެކުރިން ޗައިނާއިން ބޭނުންކުރި ދެ އެއާކްރާފްޓް ކެރިއަރުގެ ތެރެއިން ފުރަތަމަ އުޅަނދަކީ ސޯވިއެޓް ޔޫނިއަންގައި އުފައްދާފައިވާ އެއްޗެއް ކަމަށާއި، ދެވަނަ އުޅަނދު ޗައިނާގައި އުފެއްދި ނަމަވެސް، އެއީވެސް ސޯވިއެޓް މޮޑެލްއަކަށް ބިނާކޮށްފައިވާ އުޅަނދެއް ކަމަށް މައުލޫމާތު ލިބެ އެވެ.
މި އާ އެއާކްރާފްޓް ކެރިއަރަކީ ޗައިނާގެ ރައީސް ޝީ ޖިންޕިންގެ އަސްކަރީ ހިންގުންތައް ޒަމާނީކޮށް، ފުޅާކުރުމުގެ މަޝްރޫއުގެ އެންމެ ފާހަގަކޮށްލެވޭ އެއް މިސާލެވެ. 2035 ވަނަ އަހަރުގެ ނިޔަލަށް ޒަމާނީ އަސްކަރިއްޔާއެއް ބިނާކުރުމަށާއި، މި ގަރުނުގެ މެދެއްހާ ތާނގައި ދުނިޔޭގެ ފެންވަރުގެ އަސްކަރިއްޔާއަކަށްވުމަށް ޗައިނާއިން އަންނަނީ މަސައްކަތް ކުރަމުންނެވެ.
