މިގޮތަށް ނިންމާފައިވަނީ، އެންމެ ފަހުގެ ކުއާޓަރުގައި އުއްމީދު ކުރިވަރަށް ވުރެ ރަނގަޅު ނަތީޖާއެއް ހޯދުމާ ގުޅިގެންނެވެ.
ކުންފުނިން ބުނި ގޮތުގައި، މި ކުއާޓަރުގައި ރަނގަޅު ނަތީޖާއެއް ހޯދުނީ އެ ކުންފުނީގެ އަގުބޮޑެތި އުފެއްދުންތަކަށް ބާޒާރުގައި އޮތް ޑިމާންޑް ބޮޑުވުމުގެ ސަބަބުންނެވެ. އެގޮތުން، ޕޯލޯ ހާއި، ކޭބަލް-ނިޓް ސްވެޓަރު ފަދަ އުފެއްދުންތަކަށް މައިގަނޑު ބާޒާރުތަކުން ބޮޑު ތަރުހީބެއް ލިބިފައިވާ ކަމަށް އެ ކުންފުނިން ފާހަގަކުރެ އެވެ.
ދުނިޔޭގެ ރީޓެއިލް ދާއިރާއަށް ހީނަރުކަމެއް އައިސްފައިވާ ދަނޑިވަޅެއްގައި، ރަލްފް ލޯރެން ފަދަ ލަގްޒަރީ އަދި ޕްރީމިއަމް ބްރޭންޑްތަކުން ރަނގަޅު ނަތީޖާތަކެއް ހޯދަމުން އަންނަ ކަމީ ފާހަގަކޮށްލެވޭ ކަމެކެވެ. މިއީ އަގުބޮޑެތި މުދާ ގަންނަ ފަރާތްތަކުގެ އަތުގައި އަދިވެސް ހަރަދުކުރެވޭނެ ފައިސާ ހުރިކަމުގެ ހެއްކެއް ކަމަށް ބެލެވެ އެވެ. އަދި މިއީ ފާސްޓް-ފެޝަން އަދި އާންމު ބާޒާރަށް އަމާޒުކުރާ ބްރޭންޑްތަކަށް ވުރެ ޕްރީމިއަމް ބްރޭންޑްތަކުގެ ހާލަތު ރަނގަޅުކަން ދައްކުވައިދޭ ކަމެއް ވެސް މެ އެވެ.
