އެގޮތުން، މިހާތަނަށް އެ މަޝްރޫއުގެ ދަށުން ޖުމްލަ 63 ހެކްޓަރުގެ ތެރެއިން 24 ހެކްޓަރުގެ ބިން ހިއްކައި ނިމިފައިވާ ކަމަށް މައުލޫމާތު ލިބެއެވެ.
މި މަޝްރޫއު ހަވާލުކޮށްފައިވަނީ ކެޕިޓަލް މެރިން އެންޑް ސިވިލް ކޮންސްޓްރަކްޝަން ކޮމްޕެނީ (ސީއެމްސީ) އާއެވެ. މި ބިޔަ މަސައްކަތް ކުރިއަށް ގެންދަނީ ބޮސްކާލިސްގެ 22،000 ސީބީއެމްގެ ޑްރެޖަރެއް ބޭނުންކޮށްގެންނެވެ. މިއީ ރާއްޖޭގައި ހިންގާ ބިން ހިއްކުމުގެ އެންމެ ބޮޑު އެއް މަޝްރޫއެވެ.
ރައީސުލްޖުމްހޫރިއްޔާ ޑޮކްޓަރު މުހައްމަދު މުއިއްޒު ވަނީ މި މަޝްރޫއުގެ މަސައްކަތް ކުރިއަށްދާ ގޮތް ގާތުން ބައްލަވާލެއްވުމަށް އެ ސަރަހައްދަށް ޒިޔާރަތް ކުރައްވާފައެވެ. ސަރުކާރުން އަންނަނީ ރާއްޖޭގެ އެކި ހިސާބުތަކުގައި ހިންގާ ބިންހިއްކުމުގެ މަޝްރޫއުތައް އަވަސްކުރުމަށް ހާއްސަ ފިޔަވަޅުތަކެއް އަޅަމުންނެވެ.
