މި ފިލްމަކީ ގިނަ ބަޔަކު އިންތިޒާރުކުރަމުން އަންނަ ފިލްމެކެވެ.
މި ފިލްމުގެ ކާސްޓްގައި ކިޑްމަންގެ އިތުރުން ލޯލާ ޓަންގް، ނީކޯ ޕާކާ، ބްރެންޑަން ހައިންސް، ކަޝް ޖީ ، ހެދާ ގްރެހަމް، ޖޮނީ ނޮކްސްވިލް، ލެކްސީ މިނެޓްރީ، ލިލީ ކޮލިއާސް، އަދި ޓަޓިއާނާ މަސްލާނީ ފަދަ ތަރިން ހިމެނެއެވެ. މި ފިލްމުގެ ކާސްޓްގައި ހިމެނޭ ތަރިންގެ ލިސްޓުން ވެސް ފިލްމު ވަރަށް ފޯރިގަދަވާނެ ކަމަށް ބެލެވެއެވެ.
މި ފިލްމުގެ ޝޫޓިން މިހާރު ވެންކޫވާގައި ކުރިއަށްދާ ކަމަށް މައުލޫމާތު ލިބެއެވެ. ފިލްމުގެ ވާހަކަ ސިއްރުކޮށްފައި ވީނަމަވެސް، އޮންލައިންކޮށް ދައުރުވަމުން އަންނަ ރިޕޯޓުތައް ބުނާ ގޮތުގައި، މި ފިލްމުގެ ވާހަކަ ބިނާކޮށްފައިވަނީ ސްކޫލް ދައުރުގެ ދެ އެކުވެރިންގެ މައްޗަށެވެ. އޭގެ ތެރެއިން އެއް ކުއްޖެއްގެ ފަރާތުން ނުރައްކާތެރި އަމަލުތަކެއް ފެންނަން ފަށައެވެ.
