މި ހާދިސާއަކީ ކުޑަކުދިން ހިމެނޭ ވަރަށް ނުރައްކާތެރި މައްސަލައެއްގެ ގޮތުގައި އެގައުމުގެ މީޑިއާއިން ސިފަކޮށްފައިވެއެވެ.
މި ހާދިސާ ހިނގާފައިވަނީ މިމަހުގެ 13 ވަނަ ދުވަހުއެވެ. ރިޕޯޓުތައް ބުނާ ގޮތުގައި، އަނިޔާ ލިބުނު ކުއްޖާ ފެނިފައިވަނީ ހެދުމެއް ނެތި އެއްލާލާފައި އޮއްވައެވެ. އަދި ހަތިޔާރެއް ބޭނުންކޮށްގެން އެކުއްޖާއަށް އަނިޔާކޮށްފައިވާ ކަމަށްވެސް މައުލޫމާތު ލިބެއެވެ. މި މައްސަލައިގައި 9 އަހަރުގެ ފިރިހެން ކުއްޖަކަށްވެސް ތުހުމަތު ކުރެއެވެ.
މި މައްސަލައާ ގުޅިގެން 10 އަހަރުގެ އަންހެން ކުއްޖާ ވަނީ ކުޑަކުދިންގެ ކޯޓަށް ހާޒިރުކޮށްފައެވެ. ކޯޓުން ވަނީ އެ ކުއްޖާ އިލެކްޓްރޯނިކް މޮނިޓަރަކާއެކު ގޭގައި ބަންދުކުރުމަށް އަމުރުކޮށްފައެވެ. މިއީ ކުޑަކުދިންތަކެއް ހިމެނޭ ވަރަށް ސީރިއަސް މައްސަލައެއް ކަމުން، ކަމާބެހޭ ފަރާތްތަކުން ދަނީ މި މައްސަލަ އިތުރަށް ތަހުގީގު ކުރަމުންނެވެ.
