2014 ވަނަ އަހަރުން ފެށިގެން ދެމުން އަންނަ ރެހެންދި އެވޯޑަކީ، ގައުމީ ހިދުމަތުގައި އެކިއެކި ދާއިރާއިން އަންހެނުން ކުރާ މަސައްކަތްތަކާއި، ރާއްޖޭގެ ގައުމީ ތަރައްގީއަށާއި މުޖުތަމައު ބިނާ ކުރުމަށް އަންހެނުން އަދާކުރާ ދައުރާއި، މުޖުތަމައުގައި އަންހެނުންގެ ހައްގުތައް ރައްކާތެރިކުރުމަށާއި، އަންހެނުންގެ ކުރިއެރުމަށް ވަކި ފަރުދުންނާއި މުއައްސަސާތަކާއި، ޖަމުއިއްޔާތަކާއި ޖަމާއަތްތަކުން ކުރަމުންދާ މަސައްކަތްތަކުގެ އަގު، ގައުމީ ފެންވަރެއްގައި ވަޒަން ކުރުމުގެ މަގްސަދުގައި ކޮންމެ އަހަރަކު ދޭ އެވޯޑެކެވެ.
އެވޯޑްދިނުމަށް ބާސެލޯ ނަސަންދުރާ ހޮޓަލުގައި ބޭއްވި ރަސްމިއްޔާތުގައި، މިދިޔަ އަހަރު އެވޯޑު ލިބުނު ފަސް މީހަކާއި މި އަހަރުގެ ރެހެންދި އެވޯޑު ލިބުނު 10 މީހަކާ އެވޯޑު ހަވާލު ކޮށްދެއްވީ ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުހައްމަދެވެ.
ލީޑާޝިޕް އަދި ގަވަނަންސްގެ ދާއިރާ އެވޯޑް ހާސިލުކުރި އާމިނަތު ރީމާ ރަޝީދު
2024 އަދި 2025 ގެ ރެހެންދި އެވޯޑް ލިބުނު ފަރާތްތައް
އިޖުތިމާއީ ގޮތުން ބާރުވެރިކުރުވުމުގެ ދާއިރާއިން އެވޯޑް ހާސިލުކުރި ސަފާތު އަހްމަދު ޒާހިރު
ރެހެންދި އެވޯޑު ދެމުން އަންނަތާ މިދިޔަ 11 އަހަރުގެ ތެރޭގައި މިހާތަނަށް 60 އަށް ވުރެ ގިނަ މީހުން ވަނީ އެ އެވޯޑު ހާސިލްކޮށްފައެވެ.
