ސައުދާ މިހެން ވިދާޅުވީ، ރައްޔިތުންގެ މަޖިލީހުގެ މިއަދުގެ ޖަލްސާގައި، އަންނަ އަހަރަށް ލަފާކޮށްފައިވާ ބަޖެޓާ ގުޅޭގޮތުން ވާހަކަ ދައްކަވަމުންނެވެ. ސައުދާ ވިދާޅުވީ ކުރީ ސަރުކާރުގައި އޭނާ ތަމްސީލު ކުރާ ދެ ރަށް، ތަރައްގީގެ ރާޑަރަށް އަރާފައިނުވާ ކަމަށެވެ.
ފ. ނިލަންދޫގައި ޒަމާނީ ނަރުދަމާ ނިޒާމެއް ގާއިމުކުރުމުގެ މަޝްރޫއު ރަސްމީކޮށް މިހާރުވަނީ ފަށައިފައެވެ. އެކަން ފެށުނީ، މިދިޔަ ސެޕްޓެމްބަރު މަހު، ރައީސް ޑރ. މުހައްމަދު މުއިއްޒު ނިލަންދޫއަށް ކުރެއްވި ދަތުރުފުޅުގައެވެ.
ފ. ނިލަންދޫގައި ގާއިމުކުރެވޭ ޒަމާނީ ނަރުދަމާ ނިޒާމަކީ ސަރުކާރުގެ ބަޖެޓުން ހަރަދުކޮށްގެން ކުރިއަށްގެންދެވޭ މުހިންމު މަޝްރޫއެކެވެ. މި މަޝްރޫއު ތަންފީޒުކުރުމުގެ ޒިންމާ ހަވާލުކުރެވިފައިވަނީ މޯލްޑިވެސް ވޯޓާ އެންޑް ސްވަރޭޖް ކޮމްޕެނީ ޕްރައިވެޓް ލިމިޓެޑާއެވެ. މި މަޝްރޫޢުގެ ޖުމްލަ އަގަކީ 69,680,093.29 ރުފިޔާ ކަމުގައިވާއިރު، ޕްރޮޖެކްޓް ނިންމުމަށް ކަނޑައެޅިފައިވާ މުއްދަތަކީ 720 ދުވަހެވެ.
ނިލަންދޫގެ މަގުތަކުން ނަޖިސް އެރުމުގެ މައްސަލަ އަންނަ އަހަރު ފަހުކޮޅަށް ހައްލުކުރެވޭނެ ކަމަށް މާލޭ ވޯޓާ އެންޑް ސްވަރޭޖް ކޮމްޕެނީ (އެމްޑަބްލިއުއެސްސީ) ގެ މެނޭޖިން ޑިރެކްޓަރު އަބްދުލް މަތީން މުހައްމަދު ކުރިންވަނީ ވިދާޅުވެފައެވެ.
