ސިޓީ ކައުންސިލުން މި ކަންބޮޑުވުން ފާޅުކޮށްފައި މިވަނީ ކައުންސިލްގެ މިދިޔަ ދައުރުގައި ގާނޫނާއި ހިލާފަށް މާލޭގެ ބައެއް ބިންތައް ކުއްޔަށް ދިން މައްސަލަ ފެންމަތިވެފައި ވަނިކޮށެވެ.
މާލޭ ސިޓީ ކައުންސިލުން އެކްސްގައި ކުރި ޕޯސްޓެއްގައި ބުނީ އެ ކައުންސިލުގެ އިދާރާ އޮޑިޓުކުރުމުގެ ޤާނޫނީ ޒިންމާ ހަމަޖެހިފައި އޮންނަނީ އޮޑިޓާ ޖެނެރަލްގެ އޮފީހަށްކަމަށެވެ. އޮޑިޓާ ޖެނެރަލް އޮފީހުން ކުރިއަށް ގެންދާ ކައުންސިލްގެ ޕާފޮމަންސް އޮޑިޓް އާއި ފައިނޭންޝިއަލް އޮޑިޓްގެ މަސައްކަތްތަށް ކުރިއަށްގެންދިއުމުގައި މާލެ ސިޓީ ކައުންސިލް އިދާރާގެ ފުރިހަމަ އެހީތެރިކަމާއި އެއްބާރުލުމެއް ދީ އެދުނު ހުރިހާ ލިޔެކިޔުމެއް އޮޑިޓް އޮފީހާ ހަވާލުކޮށްފައިވާކަމަށް ސިޓީ ކައުންސިލުން ބުނެއެވެ.
ކައުންސިލްގެ މިދިޔަ ދައުރުގައި މާލޭ މަސްމާރުކޭޓް ކުއްޔަށް ދިނުމުގައި އުސޫލާއި ހިލާފު ކަންކަން ކުރި މައްސަލަ ފެންމަތިވެ އެ މައްސަލަ ކައުންސިލްގެ ޖަލްސާގައި އެޖެންޑާވެސް ކުރިއެވެ. އެހެންނަމްވެސް ސަރުކާރު ހިންގާ ޕީއެންސީ މެޖޯރިޓީ އޮންނަ ކައުންސިލުން ވަނީ އެ ޖަލްސާތައް ކުރިޔަށް ގެންދިޔަ ނުދީ ހިފަހައްޓާފައެވެ.
