ސުއޫދު ވިދާޅުވި ގޮތުގައި ސަރުކާރުން މަސައްކަތް ކުރަމުންދަނީ ޝަރުއީ ނިޒާމު އެއްކޮށް ކޮންޓްރޯލްކޮށް، ސަރުކާރުގެ މުށުތެރެއަށް ކޯޓުތައް ގެނައުމަށެވެ.
ސޯޝަލް މީޑިއާގައި ކުރެއްވި ޕޯސްޓެއްގައި ސުއޫދު ފާހަގަކުރެއްވި ގޮތުގައި، މީގެ ކުރިން ރައީސުލްޖުމްހޫރިއްޔާ ވަނީ ސުޕްރީމް ކޯޓުގެ ހަތަރު ފަނޑިޔާރަކު މަގާމުން ދުރުކޮށް، ސަރުކާރަށް ވަފާތެރި ބަޔަކު އެ މަގާމުތަކަށް އައްޔަން ކޮށްފަ އެވެ.
ޖޭއެސްސީން ފަނޑިޔާރުންގެ ސުލޫކީ މައްސަލަތަކެއް ބަލަމުންދާ ދަނޑިވަޅެއްގައި، ސުއޫދު ވިދާޅުވީ އެ ފަނޑިޔާރުންނާ ދެކޮޅަށް ހުށަހަޅާފައިވާ މައްސަލަތަކަކީ އެއްވެސް ހަގީގަތެއް ނެތް، ހަދަހަދައިގެން އުފައްދާފައިވާ ސިޔާސީ ވާހަކަތަކެއް ކަމަށެވެ. އަދި މިފަދަ އަމަލުތަކަކީ ކޯޓުތަކުގައި މިނިވަންކަމާ އެކު މަސައްކަތްކުރާ ފަރާތްތަކުގެ އަޑު ކަނޑުވާލުމަށް ހިންގާ ޖަރީމާތަކެއް ކަމަށް ވިދާޅުވެ، ޝަރުއީ މުއައްސަސާތަކަށް މިއަށްވުރެ ރަނގަޅު ގޮތްތަކެއް ހައްގުވާކަމަށް ސުއޫދު ވިދާޅުވި އެވެ.
