ކޮންމެ ތަނަކަށް ވެސް އެއްވެވޭ ގޮތަށް ބަދަލުކުރަން، އެއްވެ އުޅުމުގެ ގާނޫނު އުވާލަން އެމްޑީޕީން މަޖިލީހަށް ހުށަހަޅާފައިވާ ބިލަށް ވާހަކަ ދައްކަވަމުން ސަލީމް ވިދާޅުވީ 2016 ވަނަ އަހަރު އެއްވެ އުޅުމާ ބެހޭ ގާނޫނު ފާސްކުރިއިރުވެސް އެ ގާނޫނާއި ދެކޮޅު ހެއްދެވި ކަމަށެވެ. އަދި އެމްޑީޕީން މިދިޔަ ފަސް އަހަރުވެސް އެ ގާނޫނު އުވާނުލިކަން ސަލީމް ފާހަގަކުރެއްވިއެވެ.
ސަލީމް ވިދާޅުވީ ކޮންމެ ބަޔަކުވެސް އެ ބަޔަކު ބޭނުންވާ ގޮތަށް ކަންކުރީމަ ނިމުނީކަމަށެވެ. ކޮންމެ ބަޔަކު ވެސް ވެރިކަން ނުލިބޭހާ ހިނދަކު މި ހުރިހާ ވާހަކައެއް ދައްކާ ހުރިހާ ސަކަރާތެއް ޖަހާނެކަމަށް ސަލީމް ވިދާޅުވިއެވެ. އަދި ހަމަ ވެރިކަން ލިބުމާ އެކީގައި އެކަން އެ ދިޔައީކަމަށްވެސް ސަލީމް ވިދާޅުވިއެވެ.
ވެރިކަން ކުރާ ގޮތް ކަމުނުދާ ނަމަ ރައްޔިތުން އެ ވެރިކަމެއް ބަދަލުކުރާނެ ކަމަށް ސަލީމް ވިދާޅުވިއެވެ.
