ކަސްޓަމުން ބުނީ ވައިގެ މަގުން ރާއްޖެއަށް ވަދަން މަސައްކަތް ކުރި ޑްރަގުތައް އަތުލައިގަތީ މިދިޔަ ހޮނިހިރު ދުވަހުކަމަށެވެ.
ކަސްޓަމުން ބުނީ ރާއްޖެއަށް ވައްދަން މަސައްކަތްކޮށްފައިވަނީ ކެނަބިސް ފަތް ކަމަށެވެ. މިތަކެތީގެ ބަރުދަނުގައި 3 ކިލޯ ހުރިކަމަށް ކަސްޓަމުން ބުނެއެވެ. މިތަކެތީގެ މަގުމަތީގެ އަގު 2.4 މިލިއަން ރުފިޔާ އަރާކަމަށްވެސް ކަސްޓަމުން ބުނެއެވެ.
ރާއްޖެއަށް މަސްތުވާތަކެތި އެތެރެކުރާ މީހުންނަށް މަރުގެ އަދަބު ދޭން ގާނޫނަށް ދާދި ފަހުން ވަނީ ބަދަު ގެނެސްފައެވެ. އެ ބަދަލު ބުނާގޮތުން މަރުގެ އަދަބު ދޭނީ ސުޕްރީމް ކޯޓުގެ މައްސަލަ ބަލާ ފަނޑިޔާރުންގެ ބެންޗުގެ އިއްތިފާގުން ހުކުމްކޮށްފި ނަމައެވެ.
ގާނޫނަށް ގެނައި ބަދަލުގައިވާ ގޮތުން ޑްރަގު އެތެރެކުރުމުން މަރުގެ އަދަބު ދެނީ، ތިން ހާލަތަކަށް ފެތޭ ބުރަދަން ހުރި މައްސަލަތަކުގަ އެވެ.
މަރުގެ އަދަބު ލިބޭ ހާލަތްތައް
ގާނުނަށް ގެނައި ބަދަލުގައި ވަނީ މަރުގެ އަދަބު ކަނޑައެޅޭނީ އެ މީހަކު ދިވެހިރާއްޖެ އަށް އެތެރެކުރި މަސްތުވާއެއްޗަކ،ީ އެ މީހަކު އެތެރެވިއިރު އެތެރެކުރި އެއްޗަކަށްވާނަމަ ކަމަށެވެ.
ޑްރަގު އެތެރެކުރާ މައްސަލަތަކުގައި ސުޕްރީމް ކޯޓުގެ ބެންޗުން އިއްތިފާގު ނުވާ ހާލަތުގައި އިއްވަން ޖެހޭނީ އުމުރަށް ޖަލަށްލުމާ އެކު 100،000ރ. އިން ފެށިގެން 10،000،000ރ. އާ ދެމެދުގެ އަދަދަކުން ޖޫރިމަނާ ކުރުންކަމަށް ގާނޫނުގައި ވަނީ ހިމަނާފައެވެ.
