އެ މިނިސްޓްރީން ބުނީ މި އަހަރުގެ ހުރަވީ ދުވަހުގެ މުނާސަބަތާ ގުޅުވައިގެން މުޅި ރާއްޖެއަށް ހުޅުވާލައިގެން، ދޮންބަންޑާރައިންގެ ހަޔާތްޕުޅު ދައްކުވައިދޭ ވީޑިއޯ ކްލިޕް ނުވަތަ ކުރު ފިލްމު އުފެއްދުމުގެ މުބާރާތެއް ބޭއްވުމަށް ނިންމާފައިވާކަމަށެވެ.
މި މުބާރާތް ހުޅުވާލާނީ ދެ ގިންތިއަކަށް ބަހާލައިގެންކަމަށް މިނިސްޓްރީން ބުނެއެވެ. މި ދެ ގިންތީގެ އުފެއްދުންތައް އިންސާފުކުރުމާއި މާކުސް ދިނުމާއި ވަނަތައް ހޮވުން އޮންނާނީ މުޅީން ވަކިންކަމަށްވެސް މިނިސްޓްރީން ބުނެއެވެ. މު ބާރާތުގައި ބައިވެރިވެވޭ ފުރަތަމަ ގިންތިއަކީ 21އަހަރާއި 21އަހަރުން ދަށެވެ. ދެވަނަ ގިންތިއަކީ 21އަހަރުން މައްޗެވެ.
ތައްޔާރުކުރާ ވީޑިއޯ ކްލިޕްތަކުގެ ޖުމްލަ ދިގުމިން ނުވަތަ ކުރު ފިލްމެއްނަމަ ދިގުމިން ވާންވާނީ 10 މިނިޓް އާއި 15 މިނިޓަށް ފެތޭ އުފެއްދުމަކަށް ވާންޖެހޭނެކަމަށް މިނިސްޓްރީން ބުނެއެވެ.
މުބާރާތުގައި ދޭ ފައިސާގެ އިނާމު
ދޮންބަންޑާރައިންގެ ފިލުމު ހެދުމަށް ޝައުގުވެރިވާ ފަރާތްތަކުން އަންނަމަހުގެ 28 ވަނަދުވަހުގެ ދުވަހުގެ 14:00ގެ ކުރިން، [email protected] އީމެއިލަށް ލިންކެއް މެދުވެރިކޮށް ވީޑިއޯ ކްލިޕް ނުވަތަ ކުރު ފިލްމު ހުށަހަޅަންޖެހޭނެކަމަށް މިނިސްޓްރީން ބުނެެއެވެ.
