ނޮވެމްބަރު 27 ވަނަ ދުވަހު އިންސްޓަގްރާމްގައި ހިއްސާކުރި ފޮޓޯއަކާ އެކު ރެނާ ބުނެފައި ވަނީ ކެއިކޯގެ ރީތިކަން ފެނިފައި އޭނާ ހައިރާންވެ އާޝޯހުވެފައިވާ ކަމަށެވެ.
މި ދެ ތަރިން އެކުގައި ފެނިގެންދާ އާ ފިލްމު "ނައިޓް ފްލަވާ" ގެ ޕްރޮމޯޝަންގެ ތެރެއިން ދެއްކި ވާހަކައިގައި ރެނާ ވަނީ ފިލްމާ މެދު އޮތް ޝައުގުވެރިކަން އިތުރުކޮށްދީފައެވެ. އޭނާ ބުނި ގޮތުގައި މި ފިލްމުގައި އޭނާ ފެނިގެންދާނީ ސަޕޯޓަރުން އާންމުކޮށް އުއްމީދުކުރާ ގޮތާ މުޅިން ތަފާތު ސިފައެއްގައެވެ.
ރެނާގެ މި ޕޯސްޓާ އެކު ގިނަ ބައެއްގެ ސަމާލުކަން ވަނީ މި ފިލްމަށް ހުއްޓިފައެވެ. އަދި ފިލްމުގައި ރެނާ ކުޅޭ ތަފާތު ރޯލު ބަލާލުމަށް ސަޕޯޓަރުން ތިބީ ކެތްމަދުވެފައެވެ. މި ފިލްމު ރިލީޒްކުރުމަށް ތައްޔާރުވަމުން އަންނައިރު، ދެ ތަރިންގެ ގުޅުން ފެނިގެންދާ މި ފޮޓޯއަށް ގިނަ ބަޔަކު އަންނަނީ ތައުރީފު ކުރަމުންނެވެ.
