މި ބަދަލު ގެނެސްފައިވަނީ މިއަދު އެ އޭޖެންސީން އާންމުކުރި ބަޔާނެއްގައެވެ.
މީގެ ކުރިން، މި ސަރުކާރުގައި މިދިޔަ ސެޕްޓެމްބަރު މަހު މޫޑީސްއިން ވަނީ ރާއްޖޭގެ ދަރަނި ބޮޑުވުމުގެ ނުރައްކާ އޮތްކަން ފާހަގަކޮށް ރޭޓިން ދަށްކޮށްފައެވެ. އެފަހަރު ރޭޓިން ބަދަލުކުރީ ސީއޭއޭ1 އިން ސީއޭއޭ2 އަށެވެ. އޭގެ ފަހުން މިދިޔަ ޑިސެމްބަރު މަހު ނެރުނު އަޕްޑޭޓުގައި ވެސް އެ އޭޖެންސީން ނިންމީ ރޭޓިންއަށް ބަދަލެއް ނުގެނެސް، ސީއޭއޭ2 ގައި ހިފެހެއްޓުމަށެވެ.
މިއަދު މޫޑީސްއިން ނެރުނު ބަޔާނުގައި ވާގޮތުން ރާއްޖޭގެ ރޭޓިން އަނެއްކާވެސް ސީއޭއޭ2 ގައި ދެމެހެއްޓީއެވެ. އެހެންނަމަވެސް، ކުރިން އޮތް 'ނެގެޓިވް' އައުޓްލުކް، 'ސްޓޭބަލް' އަށް ބަދަލުކުރުމަކީ ރާއްޖޭގެ މާލީ އަދި އިގްތިސާދީ ހާލަތާ ގުޅޭގޮތުން އެ އޭޖެންސީން ދެކޭ ގޮތަށް އައި ރަނގަޅު ބަދަލެއްކަމަށް ބެލެވެއެވެ.
