މި ފިލްމު ރިލީޒްކުރި ފުރަތަމަ ދުވަހު އެކަނިވެސް ޗައިނާއިން 104 މިލިއަން ޑޮލަރުގެ އާމްދަނީއެއް ވަނީ ހޯދާފައެވެ. މިއީ އެނިމޭޓެޑް ފިލްމަކަށް އެ ގައުމުގައި ލިބުނު ވަރަށް ބޮޑު ތަރުހީބެކެވެ.
މި ކާމިޔާބީއާއެކު "ޒޫޓޯޕިއާ 2" ވަނީ މީގެ ކުރިން ބޮޑު މަގުބޫލުކަމެއް ހޯދި "އެވެންޖާސް: އެންޑްގޭމް" ފަދަ ފިލްމުތަކާ ވާދަކޮށް ކުރި ހޯދާފައެވެ. މިއީ 2021 ވަނަ އަހަރުގެ ފަހުން ޗައިނާގައި އެމެރިކާގެ ފިލްމަކަށް ފެށުމުގައި އެންމެ ބޮޑު އާމްދަނީއެއް ލިބުނު ފަހަރެވެ. މި ފިލްމަށް ބެލުންތެރިންގެ ފަރާތުން ބޮޑު ތަރުހީބެއް ލިބެމުން އަންނައިރު، މިއީ ފިލްމީ ދާއިރާއަށް ލިބުނު އާ ދިރުމެއް ކަމަށް ގިނަ ބަޔަކު ދެކެއެވެ.
ދުނިޔޭގެ ބާޒާރުގައި ވެސް މި ފިލްމަށް ބޮޑު އާމްދަނީއެއް ލިބޭނެ ކަމަށް މިހާރު ވަނީ ލަފާކޮށްފައެވެ. މިގޮތުން ގްލޯބަލް ބޮކްސް އޮފީހުގައި މި ފިލްމަށް ގާތްގަނޑަކަށް 525 މިލިއަން ޑޮލަރު ލިބޭނެ ކަމަށް ތަޖުރިބާކާރުން އަންދާޒާ ކުރެއެވެ. މި ފިލްމުގެ ފުރަތަމަ ބަޔަށް ވެސް މީގެ ކުރިން ވަނީ ބޮޑު ތަރުހީބެއް ލިބިފައެވެ.
