މިއީ ކެތޮލިކް ޗާޗުގެ ލީޑަރެއްގެ ހައިސިއްޔަތުން މުސްލިމުންގެ އަޅުކަންކުރާ ތަނަކަށް ޕޯޕް ޒިޔާރަތްކުރެއްވި ފުރަތަމަ ފަހަރެވެ. މި ދަތުރުފުޅަކީ ދީނީ ގޮތުންނާއި ތާރީހީ ގޮތުން މުހިންމު ދަތުރުފުޅެއްގެ ގޮތުގައި ގިނަ ބަޔަކު ސިފަކުރެއެވެ.
އެމެރިކާއަށް ނިސްބަތްވާ ފުރަތަމަ ޕޯޕް، މިސްކިތަށް ވަދެވަޑައިގަތުމުގެ ކުރިން ވަނީ ކުޑަކޮށް ގުދުވެލައްވައި އިހުތިރާމް އަދާކުރައްވާފައެވެ.
އިސްތަންބޫލްގެ މުފްތީއާއި މިސްކިތުގެ އިމާމާއެކު އެތަން ވަނީ ބައްލަވާލައްވާފައެވެ. ދިހަ ހާސް މީހުންނަށް އެއްފަހަރާ ނަމާދުކުރެވޭ މި މިސްކިތަށް ކުރެއްވި ވިހި މިނެޓުގެ ޒިޔާރަތުގައި ޕޯޕް ހުންނެވީ ވަރަށް ހިނިތުންވެވަޑައިގެންނެވެ. އަދި މިސްކިތުގެ މުދިމާ ވާހަކަދައްކަވައި ސަމާސާކުރެއްވިކަމަށް ވެސް ހަބަރުތައް ބުނެއެވެ.
އުސްމާނީ ދައުލަތުގެ ސުލްތާން އަހުމަދުގެ ވެރިކަމުގައި ބިނާކުރި މި މިސްކިތަކީ ޓޫރިސްޓުންގެ މެދުގައި ވެސް މަގުބޫލު ތަނެއްކަން ފާހަގަކޮށްލެވެއެވެ.
