ހަބަރު /
މިއަދު ބޭއްވި ޕްރެސްގެ ތެރެއިން---
"8452 މީލް ޕެކް ބިދޭސީންނަށް ފޯރުކޮށްދީފައިވޭ"
ފައުޒާ މުހައްމަދު
03 މޭ 2020 - 15:20:48
މިހާތަނަށް 8452 މީލް ޕެކް ބިދޭސީންނަށް ފޯރުކޮށްދީފައިވާ ކަމަށް ރެޑް ކްރެސެންޓުގެ ޕްރޮގްރާމު އެންޑް ސާވިސް މެނޭޖާ މައީދު މުހައްމަދު ޒާހިރު ވިދާޅުވެއްޖެއެވެ.
މިއަދު ބޭއްވި ނޫސްވެރިންގެ ބައްދަލުވުމުގައި ނޫސްވެރިއަކު ކުރި ސުވާލަކަށް ޖަވާބު ދެއްވަމުން މައީދު ވިދާޅުވީ ސަރުކާރާ ގުޅިގެން ކަލާފާނު ސުކޫލުގައި ބޭނުންވާ ޒަރޫރީ ކާބޯތަކެތީގެ ވެއާ ހައުސްއެއް ގާއިމް ކުރެވިފައިވާ ކަމަށެވެ.
އެތަނުން، ކެއްކޭގޮތަށް ހުރި ތަންތަނަށް ކާބޯތަކެތި ފޯރުކޮށްދެމުން އަންނަ ކަމަށާއި ކެއްކޭނެ ގޮތް ނެތް ފަރާތްތަކަށް އެކި ދިމާ ދިމާލުން ރެޑް ކްރެސެންޓާ އެކީ މަސައްކަތް ކުރާ ޑެލިވަރީ ނެޓްވޯކްތަކުން އެހީތެރިކަން ފޯރުކޮށްދެމުންދާ ކަމަށް މައީދު ވިދާޅުވިއެވެ.
"މީގެ ތެރޭގައި އެބަހުރި ފައިސާގެ ގޮތުން ވެސް މިސާލަކަށް ބައެއް ބޭފުޅުން އެހީތެރިކަން ފޯރުކޮށްދީފަ މީހުންނަށް، މާނައަކީ ކާބޯތަކެތި ނުލިބިގެން އުޅޭ ބިދޭސީއެއް ހުރިކަމަށް ވާނަމަ އޭނާއަށް ޑައިރެކްޓްލީ މައިގްރެންޓް ފުޑް އައުޓްލެޓްތަކާއި ގުޅުވަދީ އެއްމަހަށްޕޭކޮށްދީ، މިކަހަލަ އެރޭންޖްމެންޓް އެބަހަދާފައި އެބަހުރި" މައީދު ވިދާޅުވިއެވެ.
އެގޮތަށް މިހާރު ގާތްގަނޑަކަށް ދިވެހި ރެޑެސެންޓުގެ ފަރާތުން 8452 މީލް ޕެކެއް ޑެލިވާކޮށްދެވިފައިވާ ކަމަށް މައީދު ވިދާޅުވިއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
