ads
މުހައްމަދު އަލީ: އޭނާ ނިޔާވީ މިއަދުގެ ވަގުތެއްގައި - ފޮޓޯ: މިހާރު
އޭދަފުށީގެ ޗާލު މިސްކިތް އެޅުއްވި މުހައްމަދު އަލީ އަވަހާރަވެއްޖެ
ބ. އޭދަފުށީގައި އެންމެ "ޗާލު" މިސްކިތް ބިނާކޮށްދެއްވި، މުހައްމަދު އަލީ މިއަދު އަވަހާރަވެއްޖެ އެވެ.
Advertisement

މި އަހަރުގެ މާޗު 20 ވަނަ ދުވަހު އޭދަފުށީގައި ހުޅުވި "މަސްޖިދުލް މުހައްމަދު އަލީ" ގެ ބާނީ މުހައްމަދު އަލީ އުމުރުން 91 އަހަރުގައި އަވަހާރަވީ އިންޑިއާގެ ޗެންނާއީގައި ފަރުވާދެމުން އަންނަނިކޮށެވެ.

ސޯޝަލް މީޑިއާގައި ހިއްސާކުރެއްވި ޕޯސްޓެއްގައި ރައީސް ޑރ. މުހައްމަދު މުއިއްޒު ވިދާޅުވީ ބ.އޭދަފުށްޓަށް ގިނަގުނަ ހިދުމަތްތަކެއް ކޮށްދެއްވާފައިވާ އެ ރަށު ޑޭޒީވިލާ، މުހައްމަދު އަލީ އަވަހާރަވުމުގެ ހިތާމައިގާ އެ އާއިލާއަށް ތައުޒިޔާ ވިދާޅުވާކަމަށެވެ.

މުހައްމަދު އަލީއަކީ އޭދަފުށީގައި މަޝްހޫރު ވިޔަފާރިވެރިއެކެވެ. އޭނާ އެންމެ ހަރަކާތްތެރި ދުވަސްވަރު އަމިއްލަ މަސްދޯނިފަހަރާއި މުދާ އުފުލާ ދޯނިފަހަރު ގެންގުޅުއްވި އެވެ. އޭދަފުސީގައި އެންމެ ފަހުން ހުޅުވި އެ މިސްކިތް ބިނާކުރީ، ވިޔާފަރިވެރިޔެއް ކަމަށްވާ މުހައްމަދު އަލީގެ ހަރަދުގައެވެ. 

މީގެ ހަތަރު އަހަރު ކުރިން އަމަލީ މަސައްކަތް ފެށި އެ މިސްކިތް ގިނަ ބަޔަކަށް ކަމުދިޔައީ، ރާއްޖޭން އާންމުކޮށް ނުފެންނަ ހިތްގައިމު އިސްލާމީ ޑިޒައިނަކަށް މި މިސްކިތް ހުރުމުންނެވެ. 

މުހައްމަދު އަލީގެ އަމިއްލަ ހަރަދުގައި އިމާރާތްކޮށް، އޭނާގެ ނަން ދީފައިވާ 1،200 އެއްހާ މީހުންގެ ޖާގައިގެ މިސްކިތް ހުޅުއްވައި ދެއްވީ އެ އާއިލާއާ އަބަދުވެސް ގާތް ގުޅުމެއް ބާއްވަމުން ގެންދަވާ ވިލާ ކޮލެޖުގެ ރެކްޓަ ޑރ. އަހުމަަދު އަންވަރެވެ.

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް