ސަބަބަކީ ބޮލީވުޑް އާއި ހޮލީވުޑްގެ އިތުރުން މިއުޒިކީ ދާއިރާގެ އެންމެ އުހުގައި ފިޔަޖަހަމުން ދިޔަ މަޝްހޫރު ގިނަ ތަރިންތަކެއް މި އަހަރުގެ ތެރޭގައި ދުނިޔެ ދޫކޮށްފައިވާތީއެވެ. ދުނިޔޭގެ އެކި ކަންކޮޅުތަކުގައި ތިބި އެތައް މިލިއަން ސަޕޯޓަރުންނެއް ވަނީ، މި ފަންނާނުންގެ ކުއްލި ވަކިވުމާ ގުޅިގެން ފުން ހިތާމައެއްގައެވެ.
މިއަހަރު މަރުވި މަޝްހޫރު ތަރިންގެ ލިސްޓަށް ބަލާއިރު، އިނގިރޭސި މަޝްހޫރު ބޭންޑް "ވަން ޑިރެކްޝަން" ގެ ލަވަކިޔުންތެރިޔާ ލިޔަމް ޕޭންގެ މަރު ވެގެން ދިޔައީ ގިނަ ބަޔަކަށް ސިހުން ގެނުވި ހާދިސާއަކަށެވެ. އޭނާ މަރުވެފައިވަނީ އާޖެންޓީނާގެ ހޮޓަލެއްގެ ތިންވަނަ ފަންގިފިލާއިން ވެއްޓިގެންނެވެ. ހަމައެއާއެކު، ހޮލީވުޑްގެ ލެޖެންޑް އަދި "ހެރީ ޕޮޓާ" ފިލްމުތަކުން މަގުބޫލުކަން ހޯދި މެގީ ސްމިތު އާއި، "ސްޓާ ވޯޒް" ގެ ޑާތު ވޭޑާގެ އަޑުގެ ވެރިޔާ ޖޭމްސް އާލް ޖޯންސް އަދި މަޝްހޫރު މިއުޒިކް ޕްރޮޑިއުސަރު ކުއިންސީ ޖޯންސް ވެސް ވަނީ މިއަހަރު ދުނިޔެ ދޫކޮށްފައެވެ. މި ހުރިހާ ފަންނާނުންނަކީ ވެސް އެބޭފުޅުންގެ ފަންނުވެރިކަމުން ދުނިޔޭގެ ތާރީހުގައި ނަން ލިޔެވިފައިވާ ބޭފުޅުންނެވެ.
އިންޑިއާގެ މުނިފޫހިފިލުވުމުގެ ދާއިރާއަށް ބަލާއިރު ވެސް މިއީ ހިތާމަވެރި އަހަރެކެވެ. ރީތި ގަޒަލްތަކުން ގިނަ ބައެއްގެ ހިތްތައް ފަތަހަކުރި ލަވަކިޔުންތެރިޔާ ޕަންކަޖް އުދާސް އާއި މަޝްހޫރު ކްލެސިކަލް ލަވަކިޔުންތެރިޔާ އުސްތާދު ރާޝިދް ހާން ވަނީ މަރުވެފައެވެ. މީގެ އިތުރުން، ފިލްމު "ދަންގަލް" ގައި އާމިރު ހާންގެ ދަރިއެއްގެ ރޯލު ކުޅުނު ޒުވާން ތަރި ސުހާނީ ބަޓްނަގަރް، ވަރަށް ޒުވާން އުމުރުގައި މަރުވުމަކީ ބޮލީވުޑް ރޮއްވާލި ހިތާމަވެރި ހާދިސާއެކެވެ. މި ތަރިންގެ ވަކިވުމާ ގުޅިގެން ސޯޝަލް މީޑިއާގައި ގިނަ ބަޔަކު އަންނަނީ ހަނދާންތައް އާކޮށް ތައުޒިޔާ ރައްދުކުރަމުންނެވެ.
