މިއަދު ހަވީރު ސިޓްރޯންގައި ބޭއްވި ހަފްލާއެއްގައި މޫސައާ އެކު އެ ފޮތް ނެރެދެއްވީ އިސްލާމިކް ޔުނިވާސިޓީގެ ޗާންސެލަރު ޑރ. މުހައްމަދު ޒާހިރު ހުސައިން އެވެ.
މި ރަސްމިއްޔާތުގައި މޫސަ ވިދާޅުވީ، އެ ފޮތްތައް ލިޔުއްވަން ފެއްޓެވީ، 2013 ވަނަ އަހަރުގެ ރިޔާސީ އިންތިހާބާއި 2014 ވަނަ އަހަރުގެ ކައުންސިލް އިންތިހާބު ނިންމުމަށް ފަހު، ތިން މަހުގެ ޗުއްޓީއެއްގައި ހުންނަވައިގެން ކަމަށެވެ.
"ދޮންކޮ" ފޮތް ސީރީޒް ގައި ހިމެނޭ ފޮތްތައް
މޫސަގެ ކުޑަކުދިންގެ ފޮތް ވިއްކުމަށް ހަމަޖެހިފައިވަނީ ފޮތެއް 65ރ. އަށެވެ. ފަސް ފޮތް އެއްކޮށް ގަންނަ ނަމަ ހާއްސަ އަގެއްގައި 315ރ. އަށް ލިބޭނެ އެވެ.
ފޮތް ގަންނަން ބޭނުންވާ މީހުން 7335353 އަށް ވައިބާ ކުރުމުން އެކަން ހަމަޖެހޭނެ އެވެ.
ނޫސްވެރިކަމުގެ ރޮނގުން ގައުމީ އިނާމު، އުމުރުން 30 އަހަރުގައި 2001ގައި މޫސާ ލަތީފަށް ވަނީ ލިބިވަޑައިގެންފަ އެވެ. އޭގެފަހުން، މިދިޔަ އަހަރު މޫސައަށް ވަނީ، ޝަރަފުވެރިކަމުގެ އިނާމު ވެސް ލިބިވަޑައިގެންފަ އެވެ.
