ކުޑޫ ޓްރާންސްޕޯޓް މިނިސްޓަރު އަމީނަށް ފޮނުއްވި ސިޓީގައި ވިދާޅުވީ ފަހަކަށް އައިސް ސައިކަލްތައް ވަގަށް ނެގުން ގިނަވެފައިވާ ކަމަށާއި އެހާލަތުގައި ސައިކަލްތަކުގެ ވެރިންނަށް ކުރިމަތިވާ މާލީ އަދި އިދާރީ ދަތިތަކަށް ލުޔެއް ހޯއްދަވައިދެއްވަން އެދިވަޑައިގަންނަވާ ކަމަށެވެ.
ކުޑޫ ވަނީ ސައިކަލެއް ވަގަށް ނެގުމުން އެ ސައިކަލްގެ ވެރިމީހާއަށް ލުޔެއް ދިނުމުން ހެދި ދާނެ ގޮތްތަކެއް ހުށައަޅުއްވާފައެވެ.
ކުޑޫ ހުށައެޅުއްވި ގޮތްތައް
ގެއްލޭ ސައިކަލް ފެނިއްގެން ކުރީގެ ރަޖިސްޓްރީ އަލުން ހައްދާދޭންވާނީ ވަގަށް ނެގި ކަމުގެ ޕޮލިސް ރިޕޯޓް ޓްރާންސްޕޯޓަށް ހުށަހެޅުމުން ކަމަށްވެސް ކުޑޫގެ ސިޓީގައިވަނީ ވިދާޅުވެފައެވެ.
މީގެއިތުރުން ސްކޫލްތައް ނިމޭ ގަޑިތަކުގައި ސްކޫލްތަކުގެ ކައިރީގައި ޓްރެފިކް މެނޭޖްކުރަން އާންމު ޓްރެފިކް ގަވައިދުގެ އިތުރުން، ހާއްސަ އުސޫލެއް ކަނޑައަޅައި ތަންފީޒުކޮށްދިނުމަށްވެސް ކުޑޫ، މިނިސްޓަރު އަމީނަށް ފޮނުއްވި ސިޓީގައި އެދިވަޑައިގެންފައިވެއެވެ.
ކުޑޫ ވިދާޅުވީ އެގޮތަށް އެދިވަޑައިގަތީ ސްކޫލްތައް ނިމޭ ގަޑީގައި އެ ސައްހައްދުގައި ޓްރެފިކް ބާރުބޮޑުވެ، ދަރިވަރުންނާއި ބެލެނިވެރިންނަށް ކުރިމަތިވާ ގޮންޖެހުންތަކަށް ހައްލެއް ހޯއްދެވުމަށްކަމަށެވެ.
