ފެނަކައިން މިރޭ ނެރުނު ބަޔާނެއްގައި ބުނީ އެ ކުންފުނިން ދޭ ހިދުމަތްތަކުގައި ބިލިތަކުން ސަބްސިޑީޒް ދޭނެކަމަށް ބުނެ ސޯޝަލް މީޑިއާގައި ޕޭޖެއް ހިންގަމުންދާކަމުގެ މައުލޫމާތުު ލިބިފައިވާކަމަށެވެ.
ފެނަކައިން ބުނީ އެ ޕޭޖް ހިންގުމުގައި އެކުންފުނީގެ އެއްވެސް ބައިވެރިވުމެއް ނެތްކަމަށެވެ. އަދި އެއްވެސް އަމިއްލަ ފަރާތަކަށް ލިންކް ފޮނުވައިގެންވެސް އަދި އެފަދަ އެހެން ގޮތަކަށްވެސް ނަމަވެސް ފައިސާގެ މުއާމަލާތްތައް ނުކުރާނެކަމަށް ފެނަކައިން ބުނެއެވެ.
ފެނަކައިން ވަނީ އެފަދަ ލިންކެއް ނުވަތަ ކޯލެއް އަތުވެއްޖެނަމަ ކަމާއި ބެހޭ ފަރާތްތަކަށް ވީހާވެސް އަވަހަކަށް ރިޕޯޓްކުރުމަށް ވަނީ އިލްތިމާސްކޮށްފައެވެ.
