މަތީން ވިދާޅުވީ އެމްޑަބްލިއުއެސްސީން ފޯރުކޮށްދޭ ހިދުމަތަކީ އައިއެސްއޯ ސޭޓިފައިޑް ހިދުމަތަކަށްވުމަކީ، ރައްޔިތުންނަށް ލިބޭ އިތުބާރު ބޮޑުކޮށްދޭނެ ކަމެއް ކަމަށާއި އައިއެސްއޯ ސެޓިފިކޭޝަން ދެމެހެއްޓުމުގެ ގޮތުން އަހަރަކު އެއް ފަހަރު، އެކަމާއި ގުޅުން ހުރި ފަރާތްތަކުން، ރާއްޖެއިން ބޭރުން އައިސް، ލެބުގެ އެކި މަރުހަލާތައް އޮޑިޓް ކުރައްވާ ކަމަށް މަތީން ވިދާޅުވި އެވެ.
މަތީން ވިދާޅުވީ ތިމާވެށި ރާއްޖޭގެ ހުރިހާ އިގުތިސާދަކާއި ގުޅިލައިމެހިފައިވާއިރު، ތިމާވެށި ހިމާޔަތްކުރުމަށް ކުންފުނިތަކުން ހާއްސަ އިސްކަމެއް ދެއްވާނެކަމަށެވެ. އެ ގޮތުން ތިމާވެށި ހިމާޔަތްކުރުމަށްޓަކައި، ކުންފުނި ހިންގުމުގައި، އިއާދަކުރަނިވި ހަކަތަ އެންމެ މަތީ މިންވަރަކަށް ބޭނުންކުރައްވާނެކަމަށްވެސް މަތީން ވިދާޅުވި އެވެ.
ތާޒާ ފެނަކީ، އެމްޑަބްލިއުއެސްސީގެ ސަބްސިޑަރީ ކުންފުންޏެއްކަމުގައިވާ އައިލެންޑް ބެވަރޭޖަސް މޯލްޑިވްސް، އައިބީއެމްގެ އުފެއްދުމެކެވެ.
