މިދިޔަ މަހުގެ 30 ވަނަ ދުވަހު މަރުވެފައި އޮއްވާ ފެނުނީ ނޭޕާލަށް ނިސްބަތްވާ 40 އަހަރުވެ ފިރިހެނެކެވެ. އޭނާ ރާއްޖެ އަައީ ނޮވެމްބަރު 26 ގައިކަމަށާއި އޭނާއާ އެކު އިތުރު ދެ މީހުން އައިކަމަށް ފުލުހުން ބުނެއެވެ.
މި މީހާ މަރުވެފައި އޮއްވާ ފެނުނު ދުވަހު އެ ދެމީހުން ރާއްޖެ ދޫކޮށް ފިލައިގެން ގޮސްފައިވާކަން އެނގިފައިވާ ކަމަށް ފުލުހުން ބުނެ އެވެ.
ފުލުހުން ބުނީ މަރުވެފައި އޮއްވާ ފެނުނު މީހާގެ ހަށިގަނޑުގައި ޑްރަގްސް ފޮރުވާފައި ހުރިކަމަށެވެ. އެގޮތުން އެގޮތުން އޭނާގެ ހަށިގަނޑުން ޖުމްލަ 78 ބްލެޓް ނަގާފައިވާއިރު، އެ ތަކެތީގެ ބަރުދަނަކީ 818 ގްރާމް،" ފުލުހުން ބުނެއެވެ. އަދި މި ތަކެތި ނެގީ ހާއްސަ ސްޕެޝަލިސްޓް ޑޮކްޓަރުންގެ ލަފައާއެކު ކުރި އޮޕަރޭޝަނަކަށް ފަހު ކަމަށް ފުލުހުން ބުނެއެވެ.
ފުލުހުން ބުނީ މަރުވެފައި އޮއްވާ ފެނުނު މީހާގެ ހަށިގަނޑުން އަނިޔާގެ އެއްވެސް ނިޝާނެއް ފެނިފައި ނުވާކަމަށެވެ. މިމައްސަލާގައި ހިމެނޭ މީހުން ދެނެގަތުމަށާއި މިކަމާ ގުޅުންހުރި އިތުރު މީހުން ހޯދުމުގެ މަސައްކަތްކުރަމުން ކުރަމުންދާކަމަށް ފުލުހުން ބުނެއެވެ.
