އެމަނިކުފާނު މިހެން ވިދާޅުވީ އިސްލާމީ ކަންތައްތަކާ ބެހޭ މިނިސްޓްރީން އިންތިޒާމުކޮށްގެން ބޭއްވި "މީޑިއާ މައުރަޒު 2025" ހުޅުވުމުގެ ރަސްމިއްޔާތުގައި ވާހަކަދައްކަވަމުންނެވެ.
މި ބަދަލާއެކު ގުރުއާން މުބާރާތުގެ ހާއްސަ ވަނަތައް ހޯދާ ފަރާތްތަކަށް ޕީއެޗްޑީއާ ހަމައަށް ހިލޭ ކިޔެވުމުގެ ފުރުސަތު ސަރުކާރުން ފަހިކޮށްދެއްވާފައިވާކަން ވެސް މަޖިލިސް ރައީސް ވަނީ ފާހަގަކުރައްވާފައެވެ.
މި ސަރުކާރުން އިސްލާމީ ދީނީ ސިޔާސަތުތައް ތަންފީޒު ކުރުމަށް ހާއްސަ އިސްކަމެއް ދެއްވައި، ގައުމު ބިނާކުރުމުގެ މުހިންމު އަސާސެއްގެ ގޮތުގައި އެކަން ބައްލަވާ ކަމަށް އަބްދުއްރަހީމް ވިދާޅުވިއެވެ.
އިސްލާމީ ކަންތައްތަކާ ބެހޭ މިނިސްޓްރީގެ މައުރަޒު ހުޅުވުމުގެ ރަސްމިއްޔާތުގައި ވާހަކަދައްކަވަމުން އެމަނިކުފާނު ވަނީ ފާއިތުވި ދެ އަހަރު ދުވަހުގެ ތެރޭގައި އެ މިނިސްޓްރީން ހާސިލުކޮށްފައިވާ ކާމިޔާބީތައް އާންމުންނާ ހަމައަށް ގެނެސްދިނުމުގެ މުހިންމުކަން ފާހަގަކުރައްވާފައެވެ.
