ހަމީދު އާންމު ކުރެއްވި ލިޔުމެއްގައި ވިދާޅުވީ، ޕޮލިސް ބޯޑު އުވާލުމަކީ ބައިނަލްއަގުވާމީ ޑިމޮކްރެޓިކް ހަމަތަކާ ފުށުއަރާ، އަދި ފަހަތަށް އެޅޭ ފިޔަވަޅެއް ކަމަށެވެ.
ބައެއް ފަރާތްތަކުން ޕޮލިސް ބޯޑަކީ ލީޑަޝިޕް ހިންގުމަށް އޮތް ދަތި ކަމެއްގެ ގޮތުގައި ދެކުނަސް، ޖަވާބުދާރީ ކުރުވުމުގެ ނިޒާމެއް އޮތުމަކީ މުހިންމު ކަމެއް ކަން ހަމީދު ފާހަގަކުރެއްވި އެވެ.
ޕޮލިސް ބޯޑުގެ އިތުރުން، ފުލުހުންގެ ގާނޫނުގައި ބަޔާންކޮށްފައިވާ "އަވައްޓެރި ފުލުހުންގެ ހިދުމަތް" ނުވަތަ ނެއިބަހުޑް ޕޮލިސިންގެ ކޮންސެޕްޓް ވެސް ގާނޫނުން ފޮހެލަން މަސައްކަތް ކުރާތީ ހަމީދު ވަނީ އެކަމަށް ވެސް ފާޑުވިދާޅުވެފަ އެވެ. ހަމީދު ގަބޫލުކުރައްވާ ގޮތުގައި ޕޮލިސް ބޯޑު އުވާލުމުގެ ބަދަލުގައި ކުރަންޖެހޭ ކަމަކީ އެ ބޯޑު އިތުރަށް ހަރުދަނާކޮށް، މިނިވަންކަމާ އެކު މަސައްކަތް ކުރެވޭނެ މާހައުލެއް ގާއިމުކޮށްދިނުމެވެ. އެންމެ ފުރަތަމަ 2021 ވަނަ އަހަރު އުފެއްދި ޕޮލިސް ބޯޑަކީ ކޮމިޝަނަރު އައްޔަންކުރުމާއި ތަހުގީގީ މިންގަނޑުތައް ކަނޑައެޅުން ފަދަ ބާރުތައް ލިބިފައިވާ ހަތް މެމްބަރުންގެ ބޯޑެކެވެ.
