ދިވެހިން އެންމެ ގިނައިން އުމްރާއަށް ދާ ދުވަސްވަރާއި ދިމާކޮށް މޯލްޑިވިއަނުން މިވަނީ ޖިއްދާ އަށް ސީދާ ދަތުރުތަކެއް ބާއްވަން ނިންމާފައެވެ. މީ ޑިސެމްބަރު މަހު ގްރޫޕަކާއި ނުގުޅި އުމްރާއަށް ދާ ބޭނުންވާ ފަރާތްތަކަށް ރަނުގެ ފުރުސަތެކެވެ. 14 ދުވަސް ސައުދީގައި ހޭދަކުރުމަށް ފުރުސަތު ލިބެއެވެ.
މޯލްޑިވިއަނުން ވަނީ މިމަހު ތިން ދަތުރެއް ޖިއްދާއަށް ކުރަން ނިންމާފައެވެ.
އެގޮތުން މާލެއިން ޖިއްދާއަށް ދަތުރުތައް އޮތީ މިމަހުގެ 27 އަދި 28 ގައެވެ. ޖިއްދާއިން މާލެއަށް އެންބުރި އަންނަ ދަތުރުތަައް އޮތީ އަންނަ މަހުގެ 10،11، 12 މި ތިން ދުވަހުއެވެ.
މި ދަތުރުގެ ޓިކެޓްގެ އަގަކީ 750 ޑޮލަރުކަމަށް މޯލްޑިވިއަނުން ބުނެއެވެ. އަދި ބެގޭޖެ އެލަވަންސްގެ ގޮތުގައި 45 ކިލޯ ލިބޭނެކަމަށްވެސް އެ އެއާލައިނުން ބުނެއެވެ.
